ټرمپ د امریکا دفاع وزارت نوم «جګړې وزارت» ته بدل کړ
د امریکا ولسمشر ډونالد ټرمپ یو نوی اجرایوي فرمان لاسلیک کړی چې له مخې به یې د دغه هېواد د دفاع وزارت نوم په رسمي ډول د «جګړې وزارت» ته بدل شي.
د امریکا ولسمشر ډونالد ټرمپ یو نوی اجرایوي فرمان لاسلیک کړی چې له مخې به یې د دغه هېواد د دفاع وزارت نوم په رسمي ډول د «جګړې وزارت» ته بدل شي.
ټرمپ د دې پرېکړې دلیل د امریکا د پوځي ځواکونو د «واقعي ماموریت روښانه کول» یاد کړی او ویلي یې دي چې د دغه وزارت دنده یوازې دفاع نه، بلکې د امریکا د «ملي ګټو د خوندیتوب لپاره فعاله جګړه» ده.
شنونکي وایي، دا ګام به په امریکا کې پراخ سیاسي او حقوقي بحثونه راپورته کړي، ځکه چې د دویمې نړیوالې جګړې وروسته په ۱۹۴۹کال کې د «جګړې وزارت» نوم په «دفاع وزارت» بدل شوی و.
د ټرمپ د دې فرمان د پلي کېدو لپاره لا هم د کانګرس تایید ته اړتیا ده او د ډیموکراتانو مخالف دریځ ښيي چې دا موضوع به په واشنګټن کې لانجمنه شي.