پاکستانۍ ډان ورځپاڼې لیکلي چې له پاکستان نه د ثبت ثبوتلرونکو افغان کډوالو ایستلو بهیر چټک شوی دی. په جبري توګه ایستل ۱۹۱ سلنې او په خپله خوښه بیا ۲۵۴ سلنې ته لوړه شوې ده. ۵۵ زره افغانان یوازې د اګسټ په وروستیو څلورو ورځو کې افغانستان ستانه شوي دي.
ډان ورځپاڼه د ملګرو ملتونو د کډوالو چارو ادارې یا UNHCR د راپور لهمخې لیکي، د روان کال د په اګسټ میاشت کې له پاکستان نه د افغانانو ستنېدل د جولای پرتله ۲۵۴ سلنه ډېر شوي دي.
د ورځپاڼې په حواله، د افغان کډوالو په زور شړل (deportations) ۱۹۱ سلنه ډېر شوي چې دا له پاکستان نه د غیرقانوني وګړو د ایستلو پلان (IFPR) د درېیم پړاو برخه ده.
له اپرېل راهیسې شاوخوا ۵۷ زره او ۳۰۰ افغانان نیول شوي او زنداني شوي چې دPoR کارټلرونکي افغانان هم پهکې شامل دي.
د راپورونو له مخې، د سپټمبر تر ۴مې نېټې پورې ۵۳۱ زره او ۷۰۰ افغانان له پاکستان نه ستانه شوي دي. ۱۴۵ زره او ۲۰۰ یې یوازې د اګسټ په میاشت کې او نږدې ۵۵ زره یې د اګست په وروستیو څلورو ورځو کې ستانه شوي دي.
د ورځپاڼې د راپور پر بنسټ، دا افغانان دبلوچستان په چاغي کمپ، پښین او اسلاماباد کې نیول شوي دي.
د افغانستان لپاره د پاکستان پخواني ځانګړي استازي اصف دراني له افغانستان انټرنشنل راډیو سره په ځانګړې مرکه کې افغان طالبان د پاکستاني طالبانو سره د «ایډیالوژۍ» له اړخه د تره زامن بللي وو.
خو امرالله صالح یې په ځواب کې پر ایکس خواله رسنۍ لیکلي، افغان طالبان د راولپېنډۍ محصول او له ۱۹۹۴ کال راهیسې د پاکستان متحدین دي خو د دغې ډلې فرعي محصول پاکستاني طالبان بیا د پاکستان دوښمن ګڼل کېږي.
هغه د پوښتنې په ډول لیکلي، «ایا زهر په هر ځای کې یو شان نه دي؟ څنګه کېدای شي چې یو ډول محصول د ډيورنډ په نوم کرښې په دواړو خواو کې بېل خوند ولري؟»
نوموړي د افغان طالبانو او د پاکستاني طالبانو د یوه عکس په خپرولو سره چې د عکس په سر کې افغان او پاکستاني طالبان په نښه شوي، او «ښايي مخاطب یې اصف درانی وي» د پوښتنې په توګه مطرح کړي، «له سرلیکونو پرته ایا کولای شۍ یو له بل څخه یې بېل وګڼۍ؟ هېڅکله هم نه. همدا لامل دی چې د پاکستان ډيپلوماټان نشي کولی خپلې خبرې ثابتې کړي.»
اصف دراني له افغانستان انټرنشنل راډيو سره په ځانګړې مرکه کې همداراز ویلي، دمګړۍ د پاکستان د طالبانو شاخوا ۶ زره جنګیالي په افغانستان کې دي او له کورنیو سره یې شمېر لسګونه زرو ته رسېږي.
اصف دراني: ټي ټي پي د افغان طالبانو ایډیالوژیکي تره زامن دي | افغانستان انټرنشنل پښتو
نوموړي خبرداری ورکړ، چې د پاکستان دولت به پاکستاني طالبان په نښه کړي او جنګیالي به یې چې «هر چېرې وي» تعقیبب او لمنځه یوسي.
سرچینو د جمعې په ورځ (د وږي ۱۴مه) افغانستان انټرنشنل ـ پښتو ته وویل، چې د هغه د راتګ او وینا په اړه له یوې ورځې وړاندې خلکو ته خبر ورکړل شوی و او ګڼ شمېر مینوال یې د جمعه لمانځه ته ورغلي وو.
د سرچینو په خبره، د لمانځه پر مهال د امر بالمعروف مسوولینو نوموړي ته د وینا او امامت اجازه ورنه کړه.
مولوي نورالدین اغا د خپلو ټولنیزو او د خلکو د ستونزو اړوندو ویناوو له امله په افغانستان او په ځانګړي ډول په کندهار کې پراخ شهرت او محبوبیت لري، چې له همدې امله د هغه د خبرو اورېدو لپاره ګڼ شمېر ځوانان او د ټولنې بېلابېل قشرونه راټول شوي و.
د خلکو په وینا، د طالبانو دا پرېکړه د مولوي نور الدین اغا د زرګونو مینوالو د زړهخوږۍ لامل شوی او ګڼ شمېر کسانو د طالبانو دا کار غندلی دی.
هغوی وایي، د داسې دیني عالمانو ویناوې چې د ټولنې په اصلاح او د خلکو په راویښولو کې مهم رول لري، باید د هغوی پر وینا محدودیت ونه لګول شي.
تر دې دمه د طالبانو د اړوندو ادارو له خوا په دې اړه رسمي څرګندونې نه دي شوي.