د طالبانو د ریاست الوزرا اقتصاي مرستیال ملا عبدالغني برادر پر نړیوالې ټولنې او هېوادونو غږ کړی، چې پر افغانستان لګیدلي مالي او بانګي محدودیتونه دې پای ته ورسوي. هغه وویل:« دا محدودیتونه نه یوازې دا چې زمونږ په ګټه نه دي بلکې د سیمې او نړۍ په ګټه هم نه دي.»
د طالبانو د ریاست الوزرا اقتصادي معاونیت نن شنبه (د وږي ۱۵مه) پر اېکسپاڼه لیکلي، چې ملا عبدالغني برادر په کابل کې د پانګونې د جذب او د افغانستان د برېښنا سکټور ملاتړ کنفرانس کې د خپلې وینا پرمهال وویل چې مالي او بانګي محدودیتونو په افغانستان کې د بهرنۍ پانګونې د جذب پر بهیر ناوړه اغېز کړی.
ملا برادر همدراز زیاته کړه افغانستان د لویو، متوسطو او کوچنیو پانګونو لپاره پراخ او لوی ظرفیتونه لري او د تولیدي منابعو د خامو موادو د کافي ذخایرو درلودلو له امله غني هېواد بلل کېږي.
د طالبانو د اقتصادي معاونیت په وینا، د کنفرانس موخه د افغانستان د برېښنا په سکټور کې د پانګونې وړتیا او موجودو فرصتونو معرفي، د کورنیو او بهرنیو پانګوالو دوامدار جذب، د ستونزو پېژندنه او د مناسب حللارو وړاندې کول و.
دا څرګندونې په داسې حال کې کېږي چې د پخواني جمهوریت د ړنګېدو او د طالبانو له بیا واکمنېدو وروسته، نړۍ پر افغانستان مالي او بانکي بندیزونه ولګول او د هېواد شتمنۍ یې کنګل کړې.
د افغانستان لپاره د پاکستان پخواني ځانګړي استازي اصف دراني له افغانستان انټرنشنل راډیو سره په ځانګړې مرکه کې افغان طالبان د پاکستاني طالبانو سره د «ایډیالوژۍ» له اړخه د تره زامن بللي وو.
خو امرالله صالح یې په ځواب کې پر ایکس خواله رسنۍ لیکلي، افغان طالبان د راولپېنډۍ محصول او له ۱۹۹۴ کال راهیسې د پاکستان متحدین دي خو د دغې ډلې فرعي محصول پاکستاني طالبان بیا د پاکستان دوښمن ګڼل کېږي.
هغه د پوښتنې په ډول لیکلي، «ایا زهر په هر ځای کې یو شان نه دي؟ څنګه کېدای شي چې یو ډول محصول د ډيورنډ په نوم کرښې په دواړو خواو کې بېل خوند ولري؟»
نوموړي د افغان طالبانو او د پاکستاني طالبانو د یوه عکس په خپرولو سره چې د عکس په سر کې افغان او پاکستاني طالبان په نښه شوي، او «ښايي مخاطب یې اصف درانی وي» د پوښتنې په توګه مطرح کړي، «له سرلیکونو پرته ایا کولای شۍ یو له بل څخه یې بېل وګڼۍ؟ هېڅکله هم نه. همدا لامل دی چې د پاکستان ډيپلوماټان نشي کولی خپلې خبرې ثابتې کړي.»
اصف دراني له افغانستان انټرنشنل راډيو سره په ځانګړې مرکه کې همداراز ویلي، دمګړۍ د پاکستان د طالبانو شاخوا ۶ زره جنګیالي په افغانستان کې دي او له کورنیو سره یې شمېر لسګونه زرو ته رسېږي.
اصف دراني: ټي ټي پي د افغان طالبانو ایډیالوژیکي تره زامن دي | افغانستان انټرنشنل پښتو
نوموړي خبرداری ورکړ، چې د پاکستان دولت به پاکستاني طالبان په نښه کړي او جنګیالي به یې چې «هر چېرې وي» تعقیبب او لمنځه یوسي.