د قطر د بهرنیو چارو وزارت ویاند ماجد محمد النصار د اسراییل د برید غندلو ترڅنګ تایبد کړه، چې اسراییل په دوحه کې د حماس د سیاسي دفتر د څو غړو د استوګنې ودانۍ په نښه کړې ده. په اعلامیه کې راغلي:« دابرید له ټولو نړیوالو قوانینو او نورمونو ښکاره سرغړونه ده»
د قطر د بهرینو چارو وزارت ویاند همدراز په خپل اېکس کې د اعلامیې په خپرولو سره لیکلي، چې دا برید د قطریانو او په قطر کې د اوسیدونکو امنیت او خوندیتوب ته جدي ګواښ پېښوي.
په اعلامیه کې لیکل شوي چې دا وزارت تاییدوي چې امنیتي ځواکونې، ملکي دفاع، او اړوندو چارواکو سمدلاسه د پیښې په اړه څیړنې پیل کړې.
په اعلامیه کې راغلي، چې د قطر دولت دا برید په کلکه غندي.
د اعلامیې په پای کې لیکل شوي چې د سراییل د برید په اړه په لوړه کچه تحقیقات روان دي او نور جزئیات به ژر تر ژره اعلان شي.