طالبان وايي چې په هلمند کې یې دوه موټره قاچاق کېدونکي درمل نیولي
د طالبانو عامې روغتیا وزارت خبر ورکړی چې د هلمند ولایت په مارجه ولسوالۍ کې یې په دوو موټرو کې بار قاچاق کېدونکي درمل نیولي دي.
د طالبانو عامې روغتیا وزارت خبر ورکړی چې د هلمند ولایت په مارجه ولسوالۍ کې یې په دوو موټرو کې بار قاچاق کېدونکي درمل نیولي دي.
د یاد وزارت د خبرپاڼې له مخې، دغه درمل د امنیه قوماندانۍ د جنایي څانګې له لوري ونیول شول او وروسته د عامې روغتیا ریاست د نظارت امر ډاکټر سردار محمد قاصد په مشرۍ د څارنې ډلې ته وسپارل شول.
وزارت په خپله خبرپاڼه کې نه دي لیکلي چې ددغه قاچاق په تور څوک نیول شوي دي او که نه.
طالب چارواکي وايي،۶۳ ډوله دغه درمل په ۴۶۷ کارټنونو کې ځای پر ځای شوي وو او د ځانګړې کمېټې په حضور کې به له منځه یووړل شي.