د بلاروس ولسمشر الکساندر لوکاشینکو ویلي، روسیې او بلاروس په ګډو پوځي تمرینونو کې د روسيې د تاکتیکي اتومي وسلو د کارونې سناریو تمرین کړې ده. روسیې او بلاروس پنځه ورځني پوځي تمرینونه، چې «زاپاد» نومېږي، پای ته رسولي دي.
د بلاروس د پوځ د لوی درستیز په وینا، د دې تمرین یوه برخه کې د روسیې «اورېشنیک» هایپرسونیک توغندی هم شامل و.دغه توغندی تېر کال د اوکراین په جګړه کې کارول شوی و.
روسیې او بلاروس پنځه ورځني پوځي تمرینونه، چې «زاپاد» نومېږي، پای ته رسولي دي.
د روسیې ولسمشر ولادیمیر پوتین، چې پوځي جامې یې په تن وې د تمرین په ځای کې د نیژني نووګورود په سیمه کې د پوځ له مشرانو سره وکتل.
د کرملین په وینا، نږدې ۱۰۰ زره عسکر او ۱۰ زره پوځي وسایل د دغو تمرینونو برخه وو.
