طالبان وايي یوازې د روغتیا وزارت جواز لرونکي کسان د درملو او خوراکي توکو سوداګري کولای شي

دوبیرینټ په بوندستاګ کې د خبرو پرمهال ټینګار وکړ چې هغه غواړي په دوامداره او منظمه توګه مجرمان افغانستان ته واستوي. نوموړي وویل: «موږ به ډاډ ترلاسه کړو چې دغه الوتنې په دوامدار، منظم او سم ډول مجرمان افغانستان ته بېرته ورسوي».

هممهاله، وزیر له طالبانو سره د اخراج په تړاو د شویو خبرو اترو دفاع وکړه، «موږ مجرمین او جدي مجرمین افغانستان ته استوو. دا کار د جرمني د خلکو د امنیت په ګټه دی».

هغه د زرغون ګوند دا تورونه رد کړل، چې ګني په خبرو اترو د طالبانو ملاتړ شوی.

دوبیرینټ وویل، څوک چې غواړي افغانستان ته د بیرته ستنونو پر وړاندې ودریږي، ښايي په جرمني کې د مجرمانو په ملاتړ منتج شي، خو دې خبرو د کیڼ اړخو او زرغون ګوند د استازو غبرګونونه وپارول.

د زرغون ګوند غړي لیون اکرټ د کورنیو چارو پر وزارت نیوکې وکړې، چې قانوني منل شوي پروګرامونه درول شوي، یا د افغان ځایي کارکوونکو انتقال د «بې پایه اوږدو امنیتي څیړنو» او «اداري خنډونو» له لارې ځنډول شوي.

د کیڼ یا دې لېنکه ګوند استازي دیتمار بارچ له افغان محلي کارکوونکو سره د دولت چلند ترټونکی وباله او ویې ویې، چې له طالبانو سره د اخراج پر سر خبرې د سیاسي تابو ماتول دي.

د دوبیرینټ د وزارت په وینا، د سپتمبر په پیل کې په قطر کې د طالبانو له استازو سره د نورو اخراجونو په اړه «تخنیکي» خبرې شوې. حکومت ټینګار وکړ چې دا په هیڅ ډول د طالبانو د حکومت د رسمي پېژندنې په معنا نه دي.

یاد وزارت د پنجشنبې په ورځ د یوې خبرپاڼې په خپرولو سره ویلي، چې دغه افغان بندیان د سپین بولدک ولسوالۍ له لارې بېرته هېواد ته راستانه شوي دي.

طالبانو ویلي، چې یاد کسان له یوې تر پنځو ورځو د پاکستان په بېلابېلو بند خونو کې بندیان وو.

سرچینو افغانستان انټرنشنل ته ویلي، چې یادو افغانانو په بلوچستان ایالت کې د نشه یي توکو په کروندو کې کار کاوه.

د طالبانو د مالیې وزارت په اعلامیه کې راغلي، چې د روان لمریز کال په لومړيو پنځو میاشتو کې د افغانستان صادرات د تېر کال د پنځو میاشتو پرتله د پام وړ ډېر شوي دي.

د اعلامیې له مخې؛ تېر کال په پنځو میاشتو کې ۴۳۱۵ جوپې سوداګریز توکي صادر شوي وو؛ خو سږکال بیا دغه شمېر په لومړيو پنځو میاشتو کې ۴۸۹۲۸ جوپو ته لوړ شوی، چې ۱۳. ۵ سلنه ډېروالی ښيي.

په اعلامیه کې زېاته شوې، د بهرني ټرانزيټ کچه هم لوړه شوې ده چې تېر کال په پنځو میاشتو کې افغانستان ۱۰۶۰۱ جوپې ټرانزیټ لاره؛ خو سږکال دغه شمېر ۱۳۱۹۸ ته پورته شوی او ۲۴. ۵ سلنه ډېروالی ښيي.

د یاد وزارت په اعلامیه کې راغلي، چې سږکال د افغانستان ډېری سوداګریز مالونه پاکستان، هندوستان، قزاقستان، متحده عربي امارتو، ازبکستان او ترکیې ته صادر شوي او ټرانزيټ بیا پاکستان، ازبکستان، ترکمنستان، تاجکستان او ایران ته شوی دی.

د طالبانو دفاع وزیر چې تازه قطر ته په یوه رسمي سفر تللی، هلته یې له بېلابېلو قطري چارواکو سره کتلي دي.

که څه هم امریکا له طالبانو سره په قطر کې د دوحې تړون لاسلیک کړی؛ خو لاهم ځینې طالب مشران د امریکا د بندیزونو په نوملړ کې شامل دي.

امریکا په وار، وار ویلي، چې له طالبانو سره یې د اړیکو عادي کېدل د دغه ډلې د چار چلند او په ځانګړې توګه د بشري حقونو په برخه کې د دوی له اقداماتو سره تړاو لري.

د طالبانو دفاع وزیر په دغه مرکه کې یو ځل بیا ټینګار کړی، چې هیچا ته به اجازه ورنه‌کړي چې د افغانستان له خاورې نورو هېوادونو ته ګواښ پېښ کړي.

دغه طالب چارواکي همداراز د یوه منظم پوځ د جوړولو په اړه هم څرګندونې کړې دي.‎

سرچینې وایي، طالبانو لومړی د داود کلانتر په نوم یو معترض هټۍوال ونیوو او وروسته یې هغه نور هټۍوال هم یو په بل پسې ونیول، چې د داود د شفاعت او خلاصون لپاره ورغلي وو.

د مزارشریف اوسېدونکو د سې‌شنبې په ورځ (د وږي ۲۵مه) وویل، طالبانو غوښتل ځينې هټۍ ونړوي چې هټۍوالو یې مخالفت وکړ. د ځايي سرچینو په وینا؛ طالبانو په تېرو څلورو کلونو کې له همدې هټیو مالیه اخیستې؛ خو اوس غواړي، چې له کومې خبرتیا پرته دغه هټۍ ونړوي.

ځينو هټۍوالو بیا پر دې خبره ټینګار کړی، چې دغه هټۍ د دوی څلوېښت کلن ملکیت دی؛ که طالبان یې نړوي؛ نو باید دوی ته د کار لپاره بل بدیل ځای ورکړي.

په بلخ ولایت کې د طالبانو د والي ویاند حاجي زید وویل، چې دغه هټۍ د مرکز په امر په کابل کې داوطلبۍ ته وړاندې شوې او یو چا دغه قرارداد ګټلی دی؛ نو له همدې امله دغه هټۍ نړوي او پر ځای یې سوداګریز مارکېټ جوړېږي. ښاغلي زید زیاته کړه، چې د بلخ ځايي چارواکو له اعتراض کوونکو سره خبرې کړې چې هغوی قانع کړي.

په ورته وخت کې د بلخ د سوداګرۍ خونې پخواني غړي نسیم امیري افغانستان انټرنشنل ته وویل، چې دغه هټۍ د حج او اوقافو وزارت ملکیت دی چې تازه د طالبانو د ریاست الوزرا اقتصادي مرستیالۍ له لوري یوه خصوصي شرکت ته د سوداګریز مارکېټ جوړولو لپاره سپارل شوې دي.

خو اعتراض کوونکي وایي، چې طالبان باید د دغه هټیو تر نړولو مخکې د دوی د کسب او کار لپاره ورته بدیل ځای برابر کړي. د هغوی په وینا؛ د دغه هټیو په ویجاړېدو سره به سلګونه کورنۍ بې‌روزګاره شي. دغه هټۍوالو نږدې څلور لسیزې په همدې هټیو کې کار کړی دی.