قطر له نړیوالې ټولنې سره د طالبانو د تعامل تضمینولو ته تیاری وښود

سرچینې وايي، د هلمند امر بالمعروف محتسبانو د پنجشنبې په ورځ د هلمند له خبریالانو او انځور اخیستونکو سره د همغږۍ ناستې پر مهال امر کړی، چې نور به د ساکښو انځورونه او ویډیوګانې نه خپروي.

خبریالان وايي، د امر بالمعروف له دغې پرېکړې سره یې د کلونو زیار په اوبو لاهو شو او اړ شول، چې خپلې ټولنیزي پاڼې او یوټیوب چینلونه بند کړي.

یو خبریال د نوم نه اخېستلو په شرط افغانستان انټرنشنل ته وویل:«موږ د امر بالمعروف کسانو ته خپل دلیلونه وویل، چې همدا ټولنیزي پاڼې او یوټیوب چینلونه زموږ د عایدو سرچینې، که تاسو پر موږ بندیز لګوئ نو موږ اړ یو چې په قاچاقي لارو د کار لپاره ایران او پاکستان ته ولاړ شو.»

دغه خبریالان وايي، چې د امر بالمعروف محتسبان د انځورونو د نه خپرېدو پر پرېکړه کلک ولاړ دي او د خبریالانو هېڅ دلیل ورته د منلو وړ نه و.

طالبانو تردې وړاندې هم په هلمند کې خپل دولتي کارکوونکي له انځوریزو مرکو څخه بند کړي وو.

دا په داسې حال کې ده، چې طالبانو څو ورځې وړاندې په کندهار کې هم پر هغو ممثلینو د کار کولو بندیز ولګاوه، چې د یوټیوب له لارې یې د خپل تمثیل ویډیوګانې خپرولې.

د طالبانو د هرات ولایت مطبوعاتي دفتر د پنجشنبې پر ورځ (د تلې درېیمه) وویل، د ترکیې سفیر ډاډ ورکړ چې هېواد به یې له افغانستان په ځانګړي ډول هرات ولایت سره د اقتصادي همکاریو د زیاتولو لپاره هڅې وکړي.

د طالبانو د هرات والي د ترکیې د همکاریو ستاینه کړې او ویلي یې دي، چې د هرات–خواف ریل پټلۍ د افغانستان او ترکیې ترمنځ د سوداګریزو اړیکو د پیاوړتیا لپاره یو مهم ګام دی.

هغه ټینګار کړی، چې اړینه ده د سوداګرۍ او اقتصادي اړیکو د لا پراختیا لپاره نورې هڅې هم وشي.

د طالبانو د هرات والي د قزاقستان له سفیر سره هم د سوداګریزو او ترانزیټي اړیکو پر پراختیا خبرې کړې دي.

د طالبانو له‌خوا په خپره شوې خبرپاڼه کې راغلي، چې د قزاقستان سفیر اکباسوف ګزیز هرات د افغانستان اقتصادي ولایت وباله او ټینګار یې وکړ چې باید له دغه ولایت څخه د اقتصادي ودې او د سوداګرۍ پراختیا لپاره ګټه واخیستل شي.

د جرمني د بهرنیو چارو وزارت ویاند جوزف هینټر زیهر په برلین کې یوې خبري ناستې ته وویل، دمګړۍ د فدرالي حکومت پر ضد، چې د بهرنیو چارو وزارت له لارې یې استازولي کېږي، شاوخوا ۱۱۰بیړنۍ قضیې روانې دي.

نوموړي د یوې پوښتنې په ځواب کې وویل، « خو دا مهمه ده چې پوه شئ دا یوازې د یوه وخت لنډ انځور دی او دا شمېر ژر بدلیدای شي. د برلین اداري محکمې له خوا د بهرنیو چارو وزارت ته اوس شاوخوا ۹۰ عاجلې پرېکړې رسیدلې دي».

زیهر وویل، د هغو افغانانود منلو پروسه او د امنیتي ارزونې ټول پړاوونه، چې ډېری په پاکستان کې دي، لا نه دي بشپړ شوي. د هرمسن په وینا، د امنیتي ارزونو بهیر څو ورځې وړاندې بېرته پیل شوی او د امنیتي ادارو کارکوونکي په اسلام‌اباد کې موجود دي څو دغه ارزونې ترسره کړي.

نوموړي افغانستان ته د شړل شویو افغانانو په اړه وویل، چې فدرالي حکومت د پروګرام د ټولو ګډونوالو د لا ښه خوندیتابه لپاره نور ګامونه اخلي.

هغه زیاته کړه، « د خوندیتوب پخواني اقدامات اصلاح شوي او د ګډونوالو لپاره صادر شوي خوندیتوب لیکونه هم جاري دي. هغه کسان چې په افغانستان کې ځای پر ځای شوي، لا هم د فدرالي حکومت تر ملاتړ لاندې دي».

په غونډه کې د جرمني د کورنیو چارو وزارت ویاند هرمسن وویل، چې افغانستان ته له شړل شویو کسانو سره ددوی اړیکې شته دي او له پاکستان سره هم دوی په اړیکه کې دي، چې د جرمني د منلو په پروګرام کې شامل کسان ونه شړي.

هغه دغه راز وویل، چې نوی حکومت د تېر حکومت ټولې پرېکړې او ژمنې څیړي او د هغوی قانوني او حقوقي اعتبار ارزوي او بیا د منلو پروسه او امنیتي ارزونې ترسره کېږي.

د جرمني د اداري محکمې د حکم له مخې، پرون د دغه هېواد هانوفر ایالت ته د پنځو افغان کورنیو ۲۸ تنه غړي انتقال شول.

نوموړي زیاته کړې، چې د نظارت پر مهال د خوست ښار اړوند یې څلور روغتیايي مرکزونه او درې درملتونونه سرغړوونکي پېژندلي او تړلي یې دي. هغه وایي، د دوی څارونکې ډلې به په ښار کې خپل ګرځنده فعالیتونو ته دوام ورکړي او هره هغه هټۍ به تړي چې د دوی له اصولو سرغړونې کوي.

مستغفر ګربز د دغه څار دوام د روغتیايي خدمتونو د کېفیت لوړول، د عامه روغتیا په تړاو د خوندیتوب ډاډ ترلاسه کول او د ښو خدمتونو وړاندې کول بولي. طالبانو په دغه ولایت کې روغتیایي مرکزونو، روغتونونو او درملتونونو ته سپارښتنه کړې، چې باید د دوی قوانین په جدي توګه رعایت کړي.

طالبانو تر دې وړاندې په یوشمېر نورو ولایتونو او په ځانګړې توګه ننګرهار کې هم یوشمېر روغتونونه او درملتونونه تړلي وو. د افغانستان په بېلابېلو ولایتونو کې ناسم روغتیایي خدمتونه او بې‌کېفیته درمل د ناروغانو پر وړاندې تر ټولو لویې ننګوونې دي.

د هغه د دفتر د خبرپاڼې له مخې؛ نوموړي د پاکستان لپاره د برېټانیا له عالي کمېشنر جېن ماریوټ سره په خپل دفتر کې د لیدنې پر مهال وویل: «په سیمه کې سوله هغه وخت شونې ده، چې په افغانستان کې ثبات رامنځته شي.»

په خپره شوې خبرپاڼه کې ویل شوي، چې د دواړو لورو ترمنځ د ګډو لېوالتیاوو او د سیمې د عمومي امنیتي وضعیت په اړه هم خبرې شوې دي.

ګنډاپور ویلي، چې خېبر پښتونخوا ایالت د څو لسیزو راهیسې د افغان کډوالو کوربه پاتې شوی او لا هم د هغوی د باعزته ستنېدو لپاره یې لازمې اسانتیاوې برابرې کړې دي. د نوموړي په خبره؛ ایالتي حکومت هڅه کوي هغو افغان کورنیو ته چې بېرته خپل هېواد ته ستنېږي، هر ډول ممکنه مرسته او اسانتیاوې برابرې کړي.

تر دې دمخه علي امین ګنډاپور په وار، وار ویلي و، چې په خېبر پښتونخوا کې د پراخېدونکې نا امنۍ د مخنېوي لپاره هڅه کوي چې افغان طالبانو سره د خبرو لپاره کابل ته ولاړ شي؛‌ خو اسلام‌اباد یې پاسپورټ بلاک کړی دی. هغه په وار، وار ټینګار کړی، چې پر کابل واکمنو طالبانو سره باید د زیاتېدونکې ترهګرۍ او «ټي‌ټي‌پي» په تړاو خبرې اترې وشي.