د پاکستان دفاع وزیر خواجه اصف په یوې بهرنۍ ټلوېزیوني مرکه کې ادعا کړې، چې د دغه هېواد د پخواني بندي لومړي وزیر عمران خان اېکس او وټس اپ له هند څخه کنټرولېږي. هغه په دې اړه هېڅ ثبوت نه دی وړاندې کړی او یوازې یې ویلي، چې باید پرې باور وشي.
د پاکستان دفاع وزیر په دې بحث کې پرته له ثبوت وړاندې کولو ادعا وکړه، چې د عمران خان وټس اپ او اېکس له هند څخه کنټرولېږي. هغه زیاته کړه، د دوی استخباراتي معلومات چې نه غواړي عام یې کړي دا ښيي، چې د عمران خان اېکس او وټس اپ د هند له لوري کنټرولېږي.
هغه همداراز په ډاګه کړې، چې د پاکستان د دفاع وزیر په توګه باید یې پر خبرو باور وشي.
د عمران خان وکیل سلمان اکرم راجه همدا تېره اوونۍ وویل، عمران خان اړ کړای شوی چې له زندان څخه د موبایل او وټساپ له لارې د محکمې اورېدنه کې برخه واخلي.
دا په داسې حال کې ده، چې د پاکستان ډان ورځپاڼې د روان کال په غویي میاشت کې یو راپور خپور کړ، چې پکې راغلي و چې هندوستان په خپله خاوره کې د دغه هېواد د پخواني لومړي وزیر عمران خان او د خلکو ګوند مشر بلاول بوټو زرداري د اېکس (پخواني ټوېټر) پاڼې تړلې دي.
د یادولو ده، چې هندوستان تر دې مخکې د پاکستان حکومت د رسمي اېکس پاڼې تر څنګ د دفاع وزیر خواجه اصف پاڼې هم په خپله خاروه کې تړلې دي.
عمران خان په ۲۰۲۳ کال کې نیول شوی او د دولتي اسرارو د بربنډولو او د دولتي ډالیو د خرڅلاو په ګډون په څه باندې سلو دوسیو کې تورن ګڼل شوی، خو عمران خان دغه ټول مسایل د خپل ځان پر وړاندې سیاسي لوبې ګڼي.
علي امین ګنډاپور چې د «تحریک انصاف» ګوند مهم غړی هم دی په دې غونډه کې وویل: «موږ به عملیاتو ته اجازه ور نه کړو او ملاتړ به یې هم ونه کړو، وفاقي حکومت دې واوري، د خېبرپښتونخواحکومت د عملیاتو او د سیمې د خلکو د بې ځایه کېدو ملاتړ نه کوي.»
ګنډاپور همداراز د پاکستان له فډرالي ادارو وغوښتل، چې د ترهګرۍ د ستونزې د حل لپاره له افغانستان سره خبرې وکړي او زیاته یې کړه: «موږ جګړه نه غواړو او د هغې پر ضد به غږ پورته کوو.»
نوموړي یو ځل بیا عمران خان او د هغه مېرمنې ته د عدالت او خوشې کېدو غوښتنه وکړه او همداراز یې خبرداری ورکړ، په دې برخه کې به د دوی مبارزه تر بریا پورې دوام ومومي.
د خېبرپښتونخوا اعلی وزیر د پاکستان د پوځ مشر عاصم منیر ته په خطاب کې وویل، «پر تاسو فرض دی چې خپل رول ترسره کړئ او د عمران خان ستونزه حل کړئ.»
د پاکستان د تحریک انصاف بل غړي ګوهر علي خان وویل، دغه جلسه د ځواک د ښودلو جلسه نه ده. بلکې د دې لپاره ده چې عدالت پلی شي.
د دغه ګوند یوه بل غړي وقاص اکرم د وفاقي حکومت چارواکي «غله او قاتلان» وبلل او زیاته یې کړه: «دمګړی په پاکستان کې رښتینې ازادي نشته، اوسنی حکومت د غلامانو او غلو حکومت دی.»
د پي، تي، ای ګوند یوه بل غړي سلمان اکرم بیا په دې غونډه کې وویل، د دوی مبارزه به تر هغې روانه وي چې «د ظلم نظام» پای ته نه وي رسېدلی.
هغه په تیراه کې د څو ورځې مخکې د پاکستان هوايي برید ته چې له امله یې شاوخوا ۲۰ ولسي وګړي ووژل شول، په اشارې سره وویل چې د وژل شویو کسانو کورنۍ لا هم اوښکې بهوي او دا پوښتنه کوي، چې «دا د ظلم نظام به کله ختمېږي.»
نوموړي یو ځل بیا د عمران خان په ګډون د نورو ګوندي ملګرو د خوشې کېدو غوښتنه وکړه او زیاته یې کړه: «په ناحقه بندیان شوي او د پوځي محاکمو له لارې په ناحقه سزاګانې ورکول کېږي.»
له دې سره سم، د پاکستان تحریک انصاف ګوند یوه بل مخکښ غړي اسد قیصر بیا وویل، د خېبرپښتونخوا خلک یوازې سوله غواړي او زیاته یې کړه: «موږ به په هېڅ صورت په خپله صوبه کې پوځي عملیاتو ته اجازه ور نه کړو. موږ له جګړو ستړي شوي یو.»
هغه هم پر حکومت غږ وکړ، چې له افغانستان سره شته مسایل د ډیپلوماسۍ او جرګو له لارې حل کړي.
دغه غونډه د پاکستان د بندي پخواني لومړي وزیر عمران خان په غوښتنه رابلل شوې وه او موخه یې هم د قانون حاکمیت، د رسنیو ازادي، د قضا خپلواکي او د ولسواکۍ بیا احیا کېدل و.
عمران خان: ټول پاکستان باید د سپټمبر په ۲۷مه د پېښور په جلسه کې ګډون وکړي | افغانستان انټرنشنل پښتو
د پاکستان ټلویزیوني شبکو د پاکستان د تحریک انصاف ګوند دغه لویه جلسه خپره نه کړه، خو د دغه ګوند غړو په ټولنیزو شبکو کې په پراخه او ژوندۍ بڼه خپره کړه.
ویل کېږي، چې د دغې لویې غونډې د امنیت لپاره څه باندې ۱۴۰۰ پولیس او همداراز څه باندې ۵۰۰ ټرافیک پولیس ګومارل شوي و.
د طالبانو د بهرنیو چارو وزارت د خبرپاڼې له مخې، مقتي په پاکستان کې د ديني ګوندونو رول د پام وړ او د افغانستان او پاکستان ترمنځ په ګڼو کچو کې د پلاوو تګ راتګ مهم وباله.
هغه په پاکستان کې د جماعت اسلامي ټولنیز خدمات د ستاينې وړ وبلل او له څو لسيزو راهيسې يې د افغان کډوالو کوربهتوب له امله مننه وکړه.
د جماعت اسلامي پاکستان پلاوي هم د افغانستان او پاکستان د ولسونو ترمنځ پر نږدېوالي ټينګار وکړ او همداراز یې په افغانستان کې پرمختګونه وستايل.
دغه پلاوي د دواړو هېوادونو ترمنځ په اړيکو کې ښهوالی د کرښې د پورې غاړې ولسونو له ژوند ښه کولو سره مرستندوی وباله او هيله يې څرګنده کړه، چې پر ستونزو لاسبري شي.
د یادونې وړ ده، چې په افغانستان کې د طالبانو د بیا واکمنېدو په پیل کې د پاکستان او طالبانو اړیکې ښې وې، ان تر دې چې کابل ته په ننوتلو سره د پاکستان د څارګرې ادارې مشر فیض حمید هم په پلازمېنه کابل کې ګرځېده، خو په دې وروستیو کې د دواړو هېوادونو ترمنځ اړیکې ترینګلې دي او لامل یې هم دا دی چې پاکستان وايي، له افغان خاورې متضرر دی، خو طالبان یې نه مني او په پاکستان کې ناامني د دغه هېواد کورنۍ چاره ګڼي.