نېټ بلاکس: په افغانستان کې د انټرنېټ کچه تر ۱۴ سلنې راټیټه شوې ده
د سایبري امنیت او د انټرنېټ د څار بنسټ «نېټ بلاکس» اعلان کړی، چې په افغانستان کې د انټرنېټ کچه د عادي حالت په پرتله یوازې ۱۴سلنه پاتې شوې ده.
د سایبري امنیت او د انټرنېټ د څار بنسټ «نېټ بلاکس» اعلان کړی، چې په افغانستان کې د انټرنېټ کچه د عادي حالت په پرتله یوازې ۱۴سلنه پاتې شوې ده.
د دغه بنسټ د معلوماتو له مخې، په هېواد کې د مخابراتو عمومي خدمتونه په پراخه کچه بند شوي او اوسمهال په عملي ډول د مخابراتي شبکو بشپړ بندیز لګول شوی دی.
نېټ بلاکس په خپل تازه خپور کړي راپور کې ویلي: «په ټول افغانستان کې د مخابراتي شبکو پراخ بندیز په بشپړ ډول عملي شوی او اوسمهال د انټرنېټ لاسرسی نږدې په ټول هېواد کې پرې شوی دی.»
د دغې پرېکړې له امله نه یوازې د خلکو ورځنی ژوند اغېزمن شوی، بلکې د رسنیو د فعالیتونو، د زدهکړو بهیر، د سوداګرۍ چارې، د بانکي خدماتو او روغتیايي سیسټم په ګډون ګڼې برخې له جدي ګډوډۍ سره مخ شوې دي.
د بشري حقونو ملاتړو بنسټونو له نړۍوالې ټولنې غوښتي، چې د افغانستان د خلکو د حقونو د خوندیتوب لپاره بېړني اقدامات ترسره کړي او پر طالبانو فشار زیات کړي، ترڅو انټرنېټ ته د خلکو لاسرسی بېرته عادي حالت ته راوګرځي.
