د پخواني جمهوري نظام پرمهال د چارو ادارې رییس فضل محمود فضلي په هېواد کې د انټرنېټ د قطع کېدو په غبرګون کې وایي، په افغانستان کې افراطي مذهبي ډلې د استعماري ځواکونو د ورانۍ او سبوتاژ وسیلې دي. د نوموړي په وینا، روانه فاجعه سخته دوره ده، خو پای یې حتمي دی.
فضل محمود فضلي وايي، په هېواد کې افراطي مذهبي ډلې د استعماري ځواکونو د ورانۍ او سبوتاژ وسیلې دي او موخه یې هم په افغانستان کې د دولت سبوتاژ او د ټولنې د بنسټونو کمزوري کول دي. فضلي زیاتوي، «د دولت انقطاع، د زدهکړو ځنډول، د ټکنالوژۍ او انټرنېټ مخنیوی، د خوښۍ محدودول او په پایله کې د هوسا ژوند له منځه وړل د دوی [افراطي ډلو] اساسي دنده، خصلت او ماهيت دی.»
هغه د هیله مندۍ په څرګندولو سره ویلي: «د سبوتاژ اوسنۍ افراطي ډله به هېڅکله دولت نشي.»
فضلي زیاتوي: «د اوسني سبوتاژ او د افراطیونو د اشغال روانه فاجعه، يقينا توره او سخته دوره ده، خو پای یې حتمي دی.»
