خلیلزاد عمران خان ته په خطاب کې: میلیونونه کسان ستا وطن‌پالنه او د خدمت لوړه هڅه ستايي

په راپور کې ویل شوي چې په خضدار کې د عملیاتو پر مهال تر ۱۴ډېر ترهګر ووژل شول او ۲۰ نور ټپيان شو. همدا راز زیاته شوې، د پاکستان امنیتي ځواکونو د بلوچستان ایالت د خضدار ولسوالۍ د زهري په سیمه کې د خلکو د وېرولو هڅه هم شنډه کړه.

د یاد هېواد دولتي ټلویزیون په راپور کې وړاندې لیکي، د عملیاتو پر مهال امنیتي ځواکونو د ترهګرو څو پټنځایونه هم ویجاړ کړي دي. دا هم ویل شوي، چې وسله‌وال د خپلو پرله‌پسې ناکامیو له امله لالهانده او اندېښمن شوي دي.

په بلوچستان کې بلوڅ بېلتون پال ځواکونه یا د بلوچستان د خپلواکۍ پوځ له څو کالو راهیسې د یاد ایالت د خپلواکۍ لپاره پر پاکستاني پوځي ځایونو بریدونه کوي.

په دې لړ کې تر ټولو ستر برید یې د روان کال د مارچ په میاشت کې د جعفر اېکسپریس په نوم اورګادي باندې کړی، چې لسګونه پاکستاني نظامیان په کې وژل شوي وو.

د پاکستان د بهرنیو چارو وزارت د خبرپاڼې له‌مخې، شهباز شریف به له خپل مالیزیايي سیال سره د سیمه ییزو او نړۍوالو مسایلو سربېره د دوه اړخیزو سوداګریو، ټېکنالوژۍ، مخابراتو، حلال صنعت، پانګونې، زده کړو، انرژۍ، زېربناوو، ډیجیټل اقتصاد او د خلکو ترمنځ د اړیکو د لا پیاوړتیا او پراختیا په اړه هم خبرې وکړي.

د خبرپاڼې له‌مخې، د دغه سفر په لړ کې به د دواړو هېوادونو تر منځ د شته او نویو سکټورونو په برخو کې د همکاریو څو هوکړې هم لاسلیک شي.

خبرپاڼه کاږي: «دغه سفر د پاکستان او مالیزیا ترمنځ د قوي او دوامدارې ستراتېژیکې ملګرتیا ښکارندويي کوي، چې د متقابل درناوي، ګډو ګټو، او نورو ورته برخو کې د نږدې همکاریو پر بنسټ ولاړه ده.»

المرصاد رسنۍ د شنبې په ورځ په یوه خبر کې ليکلي: «د عاصم بلوچ په نوم د داعش یو مسوول چې د بلوچستان د مستونګ سیمې اوسېدونکی و په خضدار کې د نامعلومو وسله والو په یوه برید کې له خپل یوه بهرني ملګري سره وژل شوی.»

المرصاد د خپلو سرچینو له قوله زیاته کړې، چې له عاصم سره وژل شوی تاجکستانی وګړی تازه د داعش لیکو ته جذب شوی و او له نوموړي سره یو ځای اوسېده.

دغې رسنۍ ادعا کړې، چې داعش په افغانستان کې د ځینو بریدونو لپاره له تاجکستاني وګړو استفاده کوله.

د دوی د معلوماتو له مخې، تر دې وړاندې هم د پاکستان په کراچۍ ښار کې د حسن په نوم د داعش یو بل مسوول هم په هدفي برید کې وژل شوی.

پاکستان په وار-وار ویلي، چې د نورو وسله والو ډلو ترڅنګ داعش وسله وال هم په افغانستان کې دي؛ خو دغه رسنۍ په پاکستان کې د همدې کسانو وژل کېدو ته په اشارې ویلي، چې داعش له افغانستان څخه بهر فعال دي‌.

د طالبانو د کورنیو چارو وزارت هم تېره اوونۍ ویلي، چې په افغانستان کې یې د داعش ډله مهار کړې او دغه ډله د افغانستان بهر فعاله او تنظمېږي.

د افغانستان لپاره د امریکا پخواني ځانګړي استازي زلمي خلیلزاد نن شنبه (د تلې ۱۲مه) پر خپلې اېکس پاڼې په کراچۍ کې د داعش خراسان ډلې یوه مشر حسن د وژلو په اړه څو پوښتنې لیکلي او پاکستان ته یې د شک ګوته نیولې ده. هغه له دې پوښتنو سره یو ځای د حسن د وژل کېدو په اړه خبر هم خپور کړی دی.

د پاکستان حکومت د شنبې په ورځ (د تلې ۱۲مه) د یوې اعلامیې په خپرولو سره څرګنده کړه چې د سولې د هڅو ملاتړ او د تاوتريخوالي د ختمېدو لپاره روان پرمختګونه د سيمې د ثبات لپاره مهم دي.

نوموړي د امريکا د ولسمشر ډونالډ ټرمپ، قطر، سعودي عربستان، متحده عربي اماراتو، ترکيې، اردن، مصر او اندونيزيا د مشرانو له هڅو مننه وکړه چې د غزې د جګړې د پای ته رسېدو په هڅو کې يې ونډه اخيستې ده.

شهباز شريف وويل، د حماس وروستی بيان د اوربند او د سولې د ټينګښت لپاره يوه نوې لاره پرانيزي چې بايد بيا له لاسه ور نه کړل شي.

ټرمپ د جمعه په ورځ (د تلې ۱۱مه) په تروت شوشیل ټولنیزې شبکې لیکلي و چې حماس تر یکشنبې د واشنګتن پر وخت د ماښام ۶ بجې وخت لري چې د سولې تړون ومني که داسې ونه شي، د حماس لپاره به سختې او پراخې پایلې ولري.

خو حماس له ټاکلي ضرب الاجل مخکې د سولې تړون ته غاړه کېښوده. حماس د یوې اعلامیې په خپرولو سره ویلي، د غزې لپاره د ټرمپ له وړاندیز شوې طرحې سره موافق دی او ټول برمته شوي اسراییلیان (مړه او ژوندي) به وسپارل شي.

حماس زیاته کړې، د ټرمپ په وړاندیز شوې طرحه کې د غزې د راتلونکې او د فلسطینیانو د حقوقو په تړاو راغلي مسایل د دوی له ملي دریځ سره مطابقت لري او په وینا یې باید د یوې فلسطینیي اجماع په چوکاټ کې پرې بحث وشي.

له هغې وروسته چې حماس د ټرمپ شل ماده‌ییز پلان ومانه، د فلسطین د خپلواک حکومت مشر محمود عباس وویل، نن په غزه کې د پخوا په پرتله ډېره ارامي راغلې ده. عباس هیله وښوده چې دا ارامي به د بشپړ اوربند لپاره لاره هواره کړي، خو زیاته یې کړه چې لا روښانه نه ده، دا اوربند به کله عملي شي.

د طالبانو پورې تړلې یوې ویب پاڼې المرصاد په راپور کې راغلي، چې د داعش خراسان ډلې مشر حسن د کراچۍ په ښار کې وژل شوی دی. خلیلزاد لیکي: «حسن څومره مهم و، په کراچۍ کې یې څه کار کاوه او چا وواژه؟»

هغه پر خپله اېکس پاڼه د حسن په اړه د المرصاد راپور شریک کړی او په تایید یې خپلې پوښتنې ورسره یو ځای کړي دي.

که څه هم خلیلزاد ښکاره پاکستان د داعش خراسان ډلې په ملاتړ نه دی تورن کړی، خو د المرصاد راپور او کنایه ډوله پوښتنو یې داسې ښکاري، چې هغه د پاکستان ملاتړ ته اشاره کوي.

المرصاد لیکلي، د حسن وژل په کراچۍ کې دا روښانه کوي، چې دا ښار د داعش خراسان ډلې لپاره د جذب، موقتي پټنځایونو او استخباراتي روزنې مرکز دی.