د کابل او اسلام اباد کړکېچ؛ طالبان وایي، پرون پر سپین بولدک سلګونه افغانان ور ستانه شوي

هغې پر اېکس پاڼه لیکلي: «پر هغه چا دې لعنت وي، چې جګړې ته لمن وهي او پاکستان کې دې پر هغه چا هم لعنت وي، چې د افغانستان د استوګنې پر ځایونو د بریدونو قومانده ورکوي».

د شهرزاد اکبر په خبره: «پر طالبانو دې هم لعنت وي، چې له څو لسیزو راهیسې یې د افغانانو په وینو لاسونه سره دي».

طالبانو او پاکستان تر څو ساعته مخامخ نښتو وروسته د ۴۸ ساعتونو لپاره اوربند وکړ، خو طالبان وایي، پاکستان دا اوربند مات کړ او تېره شپه یې د پکتیکا پر ارګون ولسوالۍ هوايي برید وکړ. د ځایي اوسېدونکو د مالوماتو له مخې، په دې بریدونو کې ملکي وګړي او د کرېکټ ځنې لوبغاړي په نښه شوي دي.‌

هغه د پاکستان پوځ اجیر بللی او ترې یې غوښتي چې پر خپلو قراردادي اقداماتو له سره غور وکړي. هغه نه ده روښانه کړې، چې دی د پاکستاني پوځ کوم ځانګړی قرارداد یادوي که هدف یې د پاکستان د پوځ سیاست دی.

تېره اونۍ طالبانو او پاکستان تر څو ساعته مخامخ نښتو وروسته د ۴۸ ساعتونو لپاره اوربند وکړ، خو طالبان ادعا لري چې پاکستان دا اوربند مات کړ او تېره شپه یې د پکتیکا پر ارګون ولسوالۍ هوايي برید وکړ، چې په پایله کې یې ملکي خلکو ته مرګ ژوبله واوښته.

پاکستاني چارواکي پر طالبانو تور لګوي، چې د دوی ضد وسله‌والو جنګي ډلو ته یې پناه ځایونه ورکړي، خو طالبانو تل دا خبره رد کړې ده.

د مجاهد په خبره افغانستان د یوه خپلواک هېواد په توګه غواړي چې له ټولو هېوادونو سره پر متقابل درناوړي ولاړې او ټینګې اړیکې ولري.

مجاهد وايي، هند په سیمه کې مهم هېواد دی او د دوی اړیکې بیخي بېلې او له پاکستان سره هیڅ تړاو نه لري. نوموړي ټینګار کړی چې طالبان د خپلې تګلارې له مخې له ټولو هېوادونو سره ښې اړیکې غواړي او دا خبره یې وړاندې پاکستان ته هم کړې وه.

نوموړې پر خپله اېکس پاڼه د پاکستان هوايي بریدونه او په‌کې د افغان کرېکټ لوبغاړو وژنه په کلکو ټکو غندلې ده.

اغلې انوري ویلي چې د پاکستان هوايي بریدونو کې د کرېکټ داسې لوبغاړي وژل شوي چې هغوی په راتلونکي کې د خپل هېواد د استازولۍ لوړې هیلې لرلې.

نوموړې ټینګار کړی چې افغانستان سولې او عدالت ته اړتیا لري او نړۍوال یې باید غږ واوري.

تر هغه وروسته چې د افغان طالبانو او پاکستاني ځواکونو ترمنځ خونړي نښتې وشوې او اوربند اعلان شو، طالبانو د ۴۸ ساعته اوربند د غځېدو اعلان وکړ.

خو د جمعې په شپه پاکستان بیا د پکتیکا ولایت پر ارگون ولسوالۍ بمبار وکړ، چې د راپورونو له مخې د ښځو او ماشومانو په ګډون ملکي‌ وګړي وژلي دي. دغو بریدونو کې د کرېکټ ۸تنه ځايي لوبغاړي هم په یو هوایي برید کې وژل شوي دي.

د خلیلزاد په خبره: «افغان ملت اوس له ډېرو ستونزو سره مخ دی، پاکستان تر دې بمباریو مخکې له پاکستان څخه تر یوه میلیون ډېر افغان کډوال په زور شړلي دي، په داسې حال کې، چې افغانستان د دومره ډېرو کډوالو د ادغام توان نه لري».

هغه له پاکستان څخه پوښتنه کړې: «ایا پاکستان دومره زغم نه لري، چې یو ګاونډی هېواد چې څو لسیزې یې تر خپل واک او فشار لاندې ساتلی، لږ آرام ته پرېږدي؟»

نوموړي د قطر د منځګړيتوب یادونه هم کړې او ویلي یې دي، که پاکستان رښتینی ګاونډی وي، باید خپل بریدونه ودروي، د خپلو ستونزو مسوولیت ومني او د اوربند درناوی وکړي.

خلیلزاد پر پاکستان غږ کړی، چې د قطر د هلو ځلو په ملاتړ د اوربند په خبرو کې همکاري وکړي.