طالبانو له ترکمنستان څخه وغوښتل چې په ټاپي پروژه کې افغانانو ته هم کاري فرصتونه برابر کړي

د خوړو نړیوال سازمان نن د دوشنبې په ورځ، د تلې په ۲۸مه، د ژمي له پیل څخه مخکې په افغانستان کې د اړمنو لپاره د بیړني ملاتړ غوښتنه وکړه.

له دې وړاندې یاد سازمان ویلی، چې په افغانستان کې په هرو لسو ثانیو کې یو ماشوم په خوارځواکۍ اخته کیږي.

د یاد سازمان د وړاندوینو پر بنسټ، په افغانستان کې به د روان کال تر پایه پورې ۳،۵ میلیونه ماشومان له خوارځواکۍ سره مخ شي.

د طالبانو حکومت د خبرپاڼې له مخې، د کابیني په دې ناسته کې د هېواد د اقتصادي، ټولنیزو او کلتوري چارو په اړه مفصل بحث شوی.

د خبرپاڼې له مخې، کابینې هغه راپور تایید کړ چې د حیرتان څخه تر سپین بولدک پورې د ریل پټلۍ د بڼې او تخنیکي معیار په اړه برابر شوی و.

د پرېکړې له مخې، د پټلۍ لپاره به “معیاري واټن” غوره شي، څو له ګاونډیو هېوادونو سره د ریل تګ‌ راتګ ستونزې راکمې شي.

خبرپاڼه زیاتوي، په ناسته کې همدارنګه د کډوالو د عالي کمېسیون رییس مولوي عبدالسلام حنفي ته لارښوونه شوې، چې د کډوالو لپاره د ځمکو د وېش بهیر وڅېړي او چټک یې کړي.

په خبرپاڼه کې راغلي چې د طالبانو اداره غواړي د ځمکو وېش مستحقو کورنیو ته په وخت ترسره شي او هغه خنډونه لرې شي چې تر اوسه یې دا پروسه ورو کړې ده.

د اروپايي اتحادیې کمېسیون تایید کړې چې له طالبانو سره یې د هغو افغان وګړو د احتمالي بېرته ستنولو په اړه خبرې کړې دي چې په اروپايي هېوادونو کې د پاتې کېدو قانوني حق نه لري.

ددغه کمیسیون یوه ویاند ویلي، «د روان کال په لومړیو کې مو له افغان چارواکو سره د تخنیکي کچې خبرې پیل کړې دي».

د کمېسیون یوه ویاند وویل، بروکسل د اروپايي بهرني خدمت (EEAS) په همغږۍ کار کوي چې د افغانانو د اخراج په اړه د ټولې اتحادیې په کچه ګډه تګلاره رامنځته کړي.

دغه څرګندونې وروسته له هغه شوې چې د بلجیم حکومت د شنبې په ورځ د اروپايي کمېشنر د کډوالۍ دفتر ته یو لیک واستاوه، چې ۱۹ نورو اروپايي هېوادونو هم پرې لاسلیک کړی و.

په لیک کې د هغو افغانانو د اخراج لپاره د یوه ګډ اروپايي چوکاټ جوړولو غوښتنه شوې، چې د استوګنې اجازه نه لري یا د جرمونو له امله محکوم شوي دي.

دیورو اکټیو د راپور له مخې، د دغه نوښت ملاتړي هېوادونه غواړي د اروپايي کمېسیون، د بهرني خدمت او د غړو هېوادونو ترمنځ نوره نږدې همغږي رامنځته شي او د دې هدف لپاره یې د یوه ګډ اروپايي مامورد لېږلو وړاندیز هم کړی دی.

د اروپايي کمېسیون ویاند زیاته کړه: «موږ له غړو هېوادونو سره په دوامداره تماس کې یو. د روان کال په لومړیو کې مو له افغان چارواکو سره د تخنیکي کچې خبرې پیل کړې دي».

د بلجیم د نوښت ملاتړو هېوادونو کې جرمنی، اتریش، ایټالیا، هالنډ، سوېډن، چک، هنګري، ایستونیا، فنلنډ، یونان، لیتوانیا، لوګزامبورګ، مالټا، پولنډ، سلواکیا، قبرس، بلغاریا،ایرلنډ او ناروې شامل دي.

د پاکستان جیو ټلوېزیون د پاکستاني چارواکو په حواله راپور خپور کړی، چې په تړل شویو پنډغالو کې مېشت افغان کډوال خپل هېواد ته لېږل شوي دي.

دوی همدراز زیاتوي تېره ورځ هم په بلوچستان کې شاوخوا ۳ زره افغان کډوال د استوګنې اسنادو د نه لرلو له امله پولیسو نیولي دي.

له دې وړاندې راپورونه خپاره شوي ول، چې په خېبر پښتونخوا، بلوچستان او پنجاب ایالتونو کې د افغان کډوالو ۱۶ پنډغالي تړل کیږي.

د پاکستان مرکزي حکومت په امر ټولو ایالتونو کې د سپټمبر له لومړۍ نېټې راهیسې د ملګرو ملتونو سره د ثبت شویو افغان کډوالو د اېستل کیدو لړۍ هم پیل شوې ده.

د پاکستان ډان نیوز د خپلو سرچینو په حواله راپور ورکړی و چې دا پنډغالي د خېبر پښتونخوا په هریپور، چترال او بر دیر، د بلوچستان په چاغي، لورالایي، کلا سیف الله، پشین او کویټه او د پنجاب په میانوالي کې موقعیت لري.

د کډوالو د پنډغالو د تړل کېدو په تړاو د ملګرو ملتونو د کډوالو ادارې اندېښنه ښودلې ده.

دغه اداره ټینکار کوي، چې له پاکستان نه د افغان کډوالو د اېستلو بهیر باید په خپله خوښه، خوندي او باعزته وي.

د طالبانو د کمیسارۍ یوه سرچینه وايي چې له کرښې پورې غاړې د سکینر ماشینونه چېد جګړې پرمهال انتقال شوي وو، د پاکستان له لوري بېرته نصب شول.

د یادې سرچینې په وینا، طالبانو هم د دروازې د پرانیستې تدابیر بشپړ کړي دي، خو تر اوسه د پرانیستلو مشترکه پرېکړه نه ده شوې.

د طالبانو د کمیسارۍ یوه بله سرچینه وايي چې ښايي د شپې تر ناوخته د لویو لاریو پر مخ د تورخم دروازه خلاصه شي.

له دې وړاندې طالبانو د سوداګرۍ پرمخ د سپین بولدک لارې د پرانېستل کېدو خبر ور کړی و، خو وروسته په کندهار کې محلي چارواکو وویل، چې لاره یوازې د تشو کانتینرو پرمخ پرانېستل شوې ده.

د پاکستان او افغانستان تر منځ د ډېورنډ پر کرښه ټولې لارې وروسته له هغې وتړل شوې چې د پاکستان او طالبانو تر منځ جګړې زور واخیست.