طالبان وايي، په ننګرهار کې یې تر ۵زره جریبه ډېره ځمکه دولتي تثبیت کړې ده

د طالبانو عدلیې وزارت نن چهارشنبه (د تلې ۳۰مه) ویلي، چې د ننګرهار ولایت په سره رود ولسوالۍ کې یې د «سید اسحاق ګېلاني ښارګوټي» کابو ۵۶۴۰ جریبه ځمکه دولتي تثبیت کړې ده.

دغه وزارت پر اېکس پاڼه لیکلي، د سندونو او مدارکو له مخې څرګنده شوه چې دغه ځمکه دولتي ده. طالبانو تر دې مخکې هم د افغانستان په بېلابېلو ولایتونو کې ډېرې ځمکې دولتي اعلان کړې وې.