اوکراین پر روسیې د امریکا له تازه بندیزونو هرکلی کړی دی

پاکستاني رسنیو ویلي، چې پولیسو په کراچۍ ښار کې د افغانانو د نیولو عملیات پراخ او چټک کړي دي.

دا په داسې حال کې ده، چې پرون هم پولیسو په لاهور ښار کې د یو شمېر افغانانو د نیولو خبر ورکړی و. په وروستیو کې د پاکستان په بېلابېلو ښارونو کې د افغانانو پر وړاندې د پولیسو عملیات پراخ او چټک شوي دي.

په ورته وخت کې یوشمېر هغه افغانان چې د پولیسو له لوري نیول شوي او بیا افغانستان ته ستانه کړای شوي؛ ځینو یې له افغانستان انټرنشنل سره په خبرو کې ویلي، چې د پولیسو په عملیاتو کې ان هغه افغانان هم ځورول کېږي، چې د اوسېدو قانوني اسناد لري.

امازون د چهارشنبې په ورځ د خپل کلني «د تحویلۍ راتلونکي» پروګرام کې د «امیلیا» په نوم ځیرکې عینکې پرانیستلې.

دغه عینکې یوه کوچنۍ ښیښه لري، چې د موټر چلوونکي ګام په ګام لاره ښیې، د بسته بندۍ کوډونه لولي ​​او د تحویلۍ ثابتولو لپاره د بسته بندۍ عکسونه اخلي.

د امازون شرکت د ترانسپورت مرستیال بریل ټومي وویل، چې سلګونو موټر چلوونکو دا عینکې د د تحویلې سپارلو پر مهال وازمایل او پایلې ښیې، چې د دې کارول په هر شفټ کې د تحویلۍ وخت تر ۳۰ دقیقو پورې کم کړی دی.

د دې نوښت سره سره، امازون د «بلو جي» په نوم یو روبوټیک لاس هم پرانست، چې د همدې شرکت د مسولینو په وینا کولی شي د ګودام کارمندانو سره کار وکړي ترڅو د توکو د راټولولو او ترتیب کولو پروسه ګړندۍ او خوندي کړي.

اماوزون همدارنګه اعلان کړی، چې غواړي د خپلو ګودامونو د ښه همغږۍ او کنټرول لپاره یو مدیريتي مصنوعي ځیرکتیا سیستم فعال کړي.

خو د نیویارک ټایمز په راپور کې راغلي، چې د روباټونو پراخ استعمال ښايي د راتلونکو دوو کلونو په موده کې په امریکا کې شاوخوا ۱۶۰ زره دندې له منځه یوسي.

ټرمپ پر ټروت سوشل خواله رسنۍ لیکلي،چې د وال‌سټریټ ژورنال راپور، چې ګواکې امریکا د اوکراین له لوري د لوېدیځو اوږد واټن توغندیو د کارولو اجازه ورکړې، بې بنسټه او جعلي دی.

هغه ټینګار کړی چې متحده ایالات د دغو توغندیو په کارولو کې هېڅ رول نه لري او ورته مهمه نه ده چې دا وسلې له کومه ځایه راغلي یا اوکراین یې څنګه کاروي.

دا څرګندونې وروسته له هغې شوي، چې وال‌سټریټ ژورنال د امریکايي چارواکو له قوله راپور ورکړی و، چې واشنګټن د هغو محدودیتونو یوه مهمه برخه لغوه کړې چې اوکراین ته یې اجازه نه ورکوله د روسیې د خاورې دننه موخې په نښه کړي.

ټرمپ زیاته کړې ده، «زه تل داسې احساس کوم چې هغه (پوتین) غوښتل ټول اوکراین ونیسي، نه یوازې یوه برخه. کله چې زه د خپلې لومړۍ دورې لپاره ولسمشر وم، موږ نسبي اړیکې لرلې، که څه هم د [روسیه، روسیه،روسیه]د دروغجنې قضیې له امله دا کار ستونزمن و. ما له ولسمشر پوتین سره د اوکراین په اړه خبرې کړې وې، هغه به تل دا هېواد د خپلو سترګو تور باله.»

هغه ویلي: « دا کار به هېڅکله نه وای شوی. ځکه هغه پوهېده چې پایلې به یې ډېرې سختې وي. خو کله چې په هېواد کې له درغلیو ډکې ټاکنې وشوې او زه نور په واک کې نه وم، پوتین فکر وکړ [هو، اوس یې وخت دی] بله دا چې هغه د افغانستان وضعیت ته وکتل، چې څومره بد اداره شو، او دې خبرې پوتین ته یو بله قوي انګېزه ورکړه، ترڅو پر اوکراین برید وکړي».

100%

ټرمپ ټینګار وکړ، چې که څه هم پوتین له پخوا د اوکراین د بشپړ نیولو اراده لرله، خو اوس ښایي د خبرو اترو او احتمالي جوړجاړي لپاره چمتو وي.

هغه وویل:«زه فکر کوم اوس هغه لږ څه د مذاکرې لپاره تیار دی، او فکر کوم هغه د یوې معاملې جوړولو ته چمتو دی. خو موږ نه غواړو چې هغه ټول اوکراین ترلاسه کړي.»

کلینګ‌بایل د چهارشنبې په ورځ د هانوفر په ښار کې یوې غونډې ته وویل: « موږ سیاستوال باید ډېر هوښیار واوسو چې څه ډول بحثونه پیل کوو، په ځانګړې توګه هغه وخت چې خلک د اصل، نسل یا کډوالۍ له مخې په دوو برخو وېشو، یعني هغه چې د کډوالۍسابقه لري او هغه چې نه یې لري».

هغه زیاته کړه: «زه غواړم په داسې هېواد کې ژوند وکړم چې سیاست یې د خلکو ترمنځ د یووالي پُل جوړ کړي، نه دا چې د وېش او تفرقې لامل شي».

د جرمني د لومړي وزیر مرستیال ټینګار وکړ: « زه داسې هېواد غواړم چې د خلکو بڼه یا څېره دا ونه ټاکي، چې ایا دوی د ښار له څېرې سره سمون لري که نه».

دا څرګندونې د فریدرېښ مېرڅ د تېرې اوونۍ هغو خبرو ته اشاره لري چې ویلي یې و:«موږ د کډوالۍپه پالیسیو کې د تېرو تېروتنو د اصلاح هڅه کوو، خو لا هم زموږ ښارونه د [نااشنا] څېرو له ستونزې سره مخ دي، له همدې امله د کورنیو چارو وزیر د پراخو اخراجونو لړۍ پیل کړې ده».

په عین حال کې، د جرمني په څو ښارونو کې د مېرڅ د څرګندونو پر ضد لاریونونه شوې دي. د کډوالو فعالانو ویلي، دا څرګندونې د جرمني د اساسي قانون او د بیان د ازادۍ له ارزښتونو سره په ټکر کې دي.