نتنیاهو: اسراییل به پریکړه کوي چې کوم ځواکونه د غزې اوربند وساتي

د اسراییل لومړي وزیر بنیامین نتنیاهو د یکشنبې په ورځ وویل چې تل ابیب به دا پرېکړه کوي چې د امریکا د ولسمشر ډونالډ ټرمپ د پلان له مخې په غزه کې کې د احتمالي نړیوال ځواک په ترکیب کې کوم بهرني ځواکونه د منلو وړ دي.

نوموړي وویل، لا څرګنده نه ده چې عربي او نور هېوادونه به سرتېري واستوي او که نه، ځکه حماس ډلې له وسلې سپارنې دډه کړې، چې د پلان یوه اساسي غوښتنه ده.

د ټرمپ اداره وايي چې د امریکا سرتېري به غزې ته نه استول کېږي، خو له اندونیزیا، متحده عربي اماراتو، مصر، قطر، ترکیې او اذربایجان سره خبرې روانې دي چې دوی د دې ګډ ځواک برخه شي.