د بلخ په شولګرې ولسوالۍ کې د شوې زلزلې له امله ۴ کسان مړه شوي او ګڼ نور ټپيان دي
د بلخ ولایت لپاره د طالبانو د والي ویاند وایي، د دغه ولایت په شولګرې ولسوالۍ کې تر اوسه ۴ کسان مړه شوي او ګڼ نور ټپیان شوي دي.
د بلخ ولایت لپاره د طالبانو د والي ویاند وایي، د دغه ولایت په شولګرې ولسوالۍ کې تر اوسه ۴ کسان مړه شوي او ګڼ نور ټپیان شوي دي.
د نوموړي له لوري په یوې خپره شوې ویډيو کې لیدل کېږي، چې په سیمه کې تر نړېدلو کورونو لاندې د بند پاتې کسانو د ژغورنې هڅې روانې دي.
لا تر اوسه د ټپيانو کره شمېر نه دی روښانه شوی.
د یادونې وړ ده، چې نن شپه د افغانستان په وخت د شپې په ۱۲:۵۸دقیقو د ۶ اعشاریه ۳ درجې رېښټر په کچه زلزلې د افغانستان د پلازمېنې په ګډون یو شمېر ولایتونه او په ځانګړې توګه شمالي سیمې لړزولي او د هرې شېبې په تېرېدو سره د تلفاتو شمېر هم لوړېږي.
