ماریا زاخارووا: مسکو د طالبانو او پاکستان ترمنځ د خبرو منځګړیتوب ته چمتو دی
د روسیې د بهرنیو چارو وزارت ویاندې ماریا زاخارووا ویلي، که طالبان او پاکستان غوښتنه وکړي، مسکو به د دواړیو لوریو ترمنځ د سولې په برخه کې خپله همکاري ونه سپموي.
د روسیې د بهرنیو چارو وزارت ویاندې ماریا زاخارووا ویلي، که طالبان او پاکستان غوښتنه وکړي، مسکو به د دواړیو لوریو ترمنځ د سولې په برخه کې خپله همکاري ونه سپموي.
هغې ویلي، چې د طالبانو او پاکستان ترمنځ د اړیکو ترینګلتیا د مسکو او نړیوالې ټولنې لپاره د اندیښنې وړ ده او هر ډول اختلافت باید د سیاسي او ډیپلوماټیکو لارو حل شي.
نوموړې زیاته کړې:« د افغانستان او پاکستان ترمنځ په اړیکو کې کړکیچ نه یوازې د روسیې لپاره، بلکې د نړۍ له پلازمېنو څخه د اوریدل شویو بیانونو پر بنسټ، د نړیوالې ټولنې لپاره د اندېښنې وړ دي. موږ له خپلو ملګرو سره پر کابل او اسلام اباد غږ کوو چې هر ډول اختلافات دې یوازې د سیاسي او ډيپلوماټیکو لارو حل کړي.»
دا په داسې حال کې ده، چې د طالبانو او پاکستان ترمنځ د قطر او ترکیې په منځګړیتوب درې ځلي مذاکرات ترسره شوي، خو یادو مذاکراتو کومه مطلوبه پایله نه لرله.
