د طالبانو برېښنا شرکت: د ازبکستان وارداتي برېښنا به سبا «جمعه» په ګڼو ولایتونو کې پرچاو وي

ددغه بنسټ پر پاڼه په یوه مطلب کې راغلي، چې جبري حجاب د طالبانو د هغې پراخې تګلارې برخه ده چې موخه یې د ښځو د بدن کنټرول او مېرمنې له ټولنیز ژوند څخه لرې کول دي.

د بشري حقونو څار بنسټ لیکواله وايي، چې د طالبانو هره نوې محدودیتي پرېکړه ښځې لا پسې له ټولنې منزوي کوي او د هغوی پر ورځني ژوند مستقیم منفي اغېز لري.

د سرچینې په وینا، د هرات په ګډون د افغانستان په ګڼو ولایتونو کې ښځو د دغو بندیزونو پر وړاندې مقاومت کړی، خو د طالبانو فشارونو ته یې د زغم کچه هره ورځ تنګېږي.

په مطلب کې له نړیوالې ټولنې په ځانګړي ډول له هغو هېوادونو چې له طالبانو سره تعامل لري غوښتل شوي، چې د افغان مېرمنو غږ واوري او د طالبانو د حساب ورکولو لپاره ژر تر ژره عملي ګامونه واخلي، څو د ښځو حقونه او ازادۍ په هېواد کې بېرته خوندي شي.

د ښځو پر وړاندې د طالبانو محدودیتونه د ملګرو ملتونو د بشري حقونو د کارپوهانو او افغان فعالانو له لوري د «جنسیتي اپارتاید» په نوم یاد شوي دي؛ یو داسې سیسټم چې د جنسیت پر بنسټ د خلکو ترمنځ توپیر رامنځته کوي او د ښځو اساسي ژوند ته پراخ زیان رسوي.

په ملګرو ملتونو کې د ډنمارک د دایمي استازولۍ مرستیالې ساندرا جینسن لینډي ویلي، چې ټي ټي پي ډله د افغان طالبانو له ملاتړه برخمنه ده او اوس مهال شاوخوا شپږ زره فعاله جنګیالي په افغانستان کې لري، چې د سیمې امنیت ته جدي ګواښ دی.

هغې زیاته کړې، چې ټي ټي پي په افغانستان کې د طالبانو له ادارې څخه لوژستیکي مرسته او منظم ملاتړ ترلاسه کوي.

لینډي د داعش خراسان او القاعده د حضور په اړه هم خبرداری ورکړی، او ویلي یې دي چې یوازې داعش خراسان د ثناالله غفاري تر مشرۍ لاندې دوه زره فعاله جنګیالي لري چې د طالبانو، د افغانستان شيعه اقلیتونو او بهرنیو وګړو پر وړاندې بریدونه ترسره کوي.

د غونډې پر مهال د پاکستان استازي عثمان جدون هم ورته څرګندونې کړې دي.

هغه وویل چې داعش خراسان، ټي ټي پي، د بلوچستان ازادي‌پوځ او مجید ډلې لا هم د طالبانو تر سیوري لاندې فعالیت کوي او د سیمې ثبات یې له جدي ګواښ سره مخامخ کړی.

دا ټولې اندېښنې په داسې وخت کې راپورته کېږي چې د افغانستان او پاکستان ترمنځ په استانبول کې خبرو اترو د دې توان ونه موند چې د ترهګرۍ پر وړاندې د ګډې مبارزې لپاره یو عملي میکانېزم جوړ کړي.

اسلام اباد له اوږدې مودې راهیسې ادعا کوي چې د ټي ټي پي ډلې غړي په افغانستان کې خوندي ځایونه لري او له همدې ځایه د پاکستان پر خاوره بریدونه تنظیموي.

خو طالبان بیا دا ادعا ردوي او وایي چې دوی هېچاته اجازه نه ورکوي چې د افغانستان خاوره د نورو پر ضد وکاروي او ټي ټي پي د پاکستان داخلي موضوع بولي.

د فاریاب پوهنتون استاد او د ظفربېګ مشر ورور خال‌محمد شجاع وویل چې قاچاق‌وړونکو لږ تر لږه څلور افغان کډوال، چې ورور یې هم په دې ډله کې و، د یو وړوکي چټک ګاډي په ډګۍ کې اچولي وو او څو ساعته یې موټر د کرمان ښار پر لور چلولی و.

د هغه په وینا، ظفربېګ د هوا دپ کېدو، د اکسیجن کمښت او ګڼه‌ګوڼې له امله د موټر په ډاله کې سا ورکړې ده.

د شجاع په وینا، دا پېښه د دوشنبې په ورځ کرمان ښار ته نږدې ته شوې او د چارشنبې په ورځ د کرمان روغتون چارواکو د ظفربېګ د مړینې خبر ورکړی دی.

د کرمان روغتون سرچینو ویلي چې قاچاق وړونکي د هغه پر مړینې له خبرېدو وروسته، د نوموړي مړی د سړک پرغاړه پرېیښی و او وروسته خلکو سیمه‌ییز بیړني خدمات خبر کړي دي.

ډاکترانو ویلي چې ظفربېګ څو ساعته مخکې له دې چې روغتون ته ورسول شي، مړ شوی و.

رپوټونه ښيي چې د ایران قاچاق‌وړونکي په پنځه کسیزو موټرو کې تر ۱۵پورې کسان باروي.

دا په داسې حال کې ده، چې د ایران پولیسو وړمه ورځ وویل، چې لږ تر لږه ۹ افغان کډوال د سې‌شنبې په ورځ د سیستان او بلوچستان په ولایت کې د ټرافیکي پېښې له امله مړه شوي دي.

امرالله صالح ویلي، چې هېڅ ډله او فرد د ملي ګټو د تعریف د انحصار حق نه لري.

نوموړي ویلي چې په افغانستان کې د مشروع حکومت له امله هرڅوک او هر سیاسي جریان حق لري د ملي ګټو تعریف په خپله خوښه وکړي.

د صالح په وینا، د ملي ګټو په تعریف او د قوانینو د پلي کولو لپاره له زوره کار اخېستل یوازې د مشروع او د خلکو په خوښه حکومت له لوري ممکن دي او هبت الله ته د ورته چلندونو څخه باید ډډه وشي.

د طالبانو د صنعت او سوداګرۍ وزارت د پنجشنبې په ورځ وویل، چې د یادې ډلې د سوداګرۍ وزیر نورالدین عزیزي هند ته د خپل سفر پررمهال د یاد هېواد د بهرنیو چارو وزیر جی شنکر سره کتلي او د چابهار بندر د فعالیت پر زیاتوالي، د دواړونو هېوادونو ترمنځ د سوداګریزو اتشو پر معرفي کولو او سوداګرو ته د وېزو په برخه کې پر اسانتیاوو ورسره غږېدلی دی.

د طالبانو د صنعت او سوداګرۍ وزارت ویاند عبدالسلام جواد وویل، چې د دواړو لوریو د کاري ډلې فعالولو، د ګډې خونې جوړولو او د چابهار بندر د ستونزو د حل په اړه به هم هوکړې وکړي.

وړاندې د هند د بهرنیو چارو وزیر جی شنکر ویلي و، چې د طالبانو د سوداګرۍ له وزیر سره یې د دواړو لوریو د سوداګرۍ پیاړتیا، سیمې د اتصال د پراختیا او د خلکو ترمنځ د اړیکو زیاتولو په اړه مفصلې خبرې کړې دي.