د تېر جمهوري نظام پر مهال په پاکستان کې د افغانستان پخواني سفير عاطف مشعل د اصف دراني د څرګندونو په غبرګون کې ویلي، هغوی چې د سیمي حالات څاري، پوهېږي چې د ډېرو ترهګریزو لارو تاریخي سرچینې په کومو ځایونو کې جوړې شوي او دا لارې د افغانستان پر لور نه دي راکښل شوي.
که څه هم عاطف مشعل په مستقیم ډول د پاکستان نوم نهدی اخیستی، خو هدف یې پاکستان دی، چې د ترهګریزو لارو تاریخي سرچینې په همدې هېواد کې جوړې شوي او له افغانستان سره هېڅ تړاو نهلري.
د افغانستان لپاره د پاکستان پخواني ځانګړي استازي اصف دراني د جمعې په ورځ (د لیندۍ ۷مه) ویلي، چې د افغانستان له خاوري په تاجکستان کې پر چینايي وګړو د ډرون په برید کې د درېیو چیناییانو وژل د دې ښکاره ثبوت دی، چې افغانستان د ترهګرۍ په مرکز بدلېږي.
اصف دراني: افغانستان د ترهګرۍ په مرکز بدلېږي | افغانستان انټرنشنل پښتو
د تېر جمهوري نظام پر مهال په پاکستان کې د افغانستان پخواني سفیر عاطف مشعل په خپله اېکسپاڼه د دراني د لیک بیاځلي په خپرولو سره لیکلي: «د نن ورځې په بدلېدونکي نړۍ کې افغانستان نور د سیالۍډګر او د نیابتي جګړو ډګر نهدی.» د هغه په وینا افغانستان اوس د نښلونې د یوه مهم مرکز په توګه پیژندل کیږي.
هغه زیاتوي چې د زړو روایتونو کارول په نوي سیمهییز چوکاټ کې یوازې د نننیو حقیقي واقعیتونو د ناسم درک سبب کېږي.
مشعل په واضحه توګه د پاکستان یادونه نهده کړې، خو ویلې یې دي چې «نور هېوادونه» په کور دننه او په سیمه کې خپل اختلافونه له سره و ارزوي.
مشعل وایي، سیمهییز ثبات د ملي ګټو لپاره مهم دی، لکه څنګه چې یو ثابت او باثباته افغانستان د سیمې د نوي لیدلوري ملاتړ کوي.
د تاجکستان د بهرنیو چارو وزارت تېره ورځ وویل، چې د افغانستان له خاورې په یوه برید کې د «شاهین ایساېم» د سرو زرو د استخراج شرکت درې چینایي کارکوونکي وژل شوي دي. تاجکستان ویلي، چې د افغانستان په خاوره کې جنایتکارې ډلې لا هم د سرحدي وضعیت د ګډوډولو هڅې کوي.
مشعل زیاتوي: «زموږ اړیکې له چین سره د متقابل اعتماد، درناوي او اوږدې ملګرتیا پر بنسټ ولاړې دي.» د هغه په وینا د چین وګړي په افغانستان کې له بشپړ امنیت څخه برخمن دي.
هغه وایي «له تاجکستان سره هم موږ د باور او همکارۍ پر اساس یوې رغنده مرحلې ته داخل شوی یو.»
په ورته مهال د طالبانو د بهرنیو چارو وزارت د جمعې په ورځ (د لېندۍ ۷مه) د تاجکستان د ختلان ولایت په شمس الدین شاهین سیمه کې د درېیو چینایي وګړو وژنه غندلې ده. دغه وزارت ویلي، د پېښې د عواملو موندلو په موخه له تاجکستان سره د معلوماتو تبادلې، تخنیکي همکارۍ او ګډې ارزونې ته بشپړ چمتووالی لري.
په پلازمېنه دوشنبه کې د چین سفارت هم منلې، چې په تاجکستان کې د افغانستان پولې ته نږدې د یوه وسلهوال برید له امله درې چینایي وګړي وژل شوي دي.
