د واشنګټن وروستي ترهګریز برید ته د اتمر غبرګون: بریدګر د افغان ولس استازیتوب نشي کولای

طاهر اندرابي ویلي، چې په پاکستان کې د داعش شتون له حقیقت څخه لرې او ظالمانه ادعا ده.

اندرابي زیاته کړې:«دا یوه تخیلي خبره ده، چې د افغان طالبانو د رژیم له لوري کېږي. افغان اړخ هڅه کوي، د ترهګرۍ دا ګواښ چې د دوی په خاوره کې او دوی په خپله جوړ کړی دی، د مختلفو سازمانونو په نومونو باندې یاد کړي او د پاکستان په غاړه یې واچوي. په پاکستان کې د هر ډول تندلارو او ترهګرو عناصر سره زموږ د قوانینو په اساس چلند کیږي.»

د پاکستان د بهرنیو چارو وزارت ویاند دا څرګندونې پر داسې مهال کړې، چې وړاندې افغان طالبانو د پاکستان د بلوچستان ایالت په مستونګ سیمه کې د داعش ډلې د روزنیزو کمپونو په اړه ادعاوې کړې وي، خو پاکستان د طالبانو دغه ډول ادعاوې تل رد کړې دي.

پر همدغه مهال طاهر اندرابي ویلي، چې پاکستان په درېیمو هېوادونو کې د میشتېدو په تمه افغانانو په اړه اندېښنه لري او یاد هېوادونه دې ژر تر ژره په پاکستان کې مېشت افغانانو ته د ویزو پروسه چټکه کړي.

اندرابې زیاته کړې:« هغه هېوادونه چې د افغان وکړو د بیا میشتېدنې ژمنه یې کړې ده، ژر تر ژره دې له پاکستان څخه وباسي. پاکستان دا مسله په مکرر ډول له یادو هېوادونو سره شریکه کړې ده.»

د پاکستان د بهرنیو چارو وزارت ویاند د افغان کډوالو په اړه یادې څرګندونې داسې مهال کړې، چې حکومت یې په یاد هېواد کې د افغان کډوالو د نیولو او بېرته افغانستان د ستنولو په اړه پراخ عملیات پیل کړي دي.

د تاجکستان او چین له حکومتونو سره د غمرازۍ په څرګندولو سره د ایران د بهرنیو چارو وزارت ویاند ټینګار وکړ، چې ایران د ترهګرۍ ټول ډولونه او څرګندونې په کلکه غندي.

هغه د ترهګرۍ د پدیدې د مخنیوي او په اغیزمنه توګه د مبارزې لپاره د څو اړخیزو همکاریو د پیاوړتیا پر اړتیا هم ټینګار وکړ.

د تاجکستان په ختلون ولایت کې د ډرون څرخکې برید کې لږ تر لږه درې چینایي وګړي ووژل شول.

طالبانو دا برید وغانده او ویې ویل چې دا پیښه د داسې ورانکارو کړیو کار دی چې هڅه کوي ګډوډي، بې ثباتي او د سیمې د هیوادونو ترمنځ بې باوري رامینځته کړي.

د طالبانو د صنعت او سوداګرۍ وزارت په خبرپاڼه کې ویل شوي، چې نورالدین عزیزي د ترکیې د خپلواکو صنعتکارانو او سوداګرو ټولنې له غړو سره په لیددنه کې په افغانتسان کې د پراخې سوداګرۍ او پانګونې د فرصتونو په اړه خبرې کړي دي.

طالبانو ویلي، چې د ترکیې د خپلواکو صنعتکارانو او سوداګرو ټولنې (موسیاد) په افغانستان کې د خپلې څانګې پرانستلو ته لیوالتیا ښودلي ده.

د راپورونو له مخې، موسیاد ټولنه په ترکیه کې له لویو او معتبرو اقتصادي ټولنو څخه شمېرل کېږي او په ترکیه کې د لویو، منځنیو او کوچنیو شرکتونه زرګونه غړي لري.

ملګرو ملتونو په یوې اعلامیې کې ویلي چې بېنټ به د قطر له چارواکو، افغان فعالانو، او نړیوالو استازو سره وګوري او د افغانستان د خلکو د حقونو د ملاتړ په اړه له هغوی سره د همکاریو لارې وڅېړي.

د بېنټ دا سفر چې د نومبر له ۳۰ څخه تر د ډسمبر ۳ پورې ترسره کېږي، د هغه د نوې هڅې یوه برخه ده څو د سیمې او نړۍ له هېوادونو سره ګډ دریځ او منسجم عمل رامنځته شي.

د ملګرو ملتونو په وینا، دا سفر د دې لپاره کېږي چې د افغانستان د بشري حقونو د خراب وضعیت په اړه یو همغږی نړیوال غبرګون رامنځته شي او د «ټولو اړینو لارو چارو» د کارولو پر سر بحث وشي، څو د افغانانو ژوند او اساسي حقونه خوندي پاتې شي.

د بېنټ ماموریت د روان میلادي کال په اکتوبر کې د ملګرو ملتونو د بشري حقونو شورا له لوري تمدید شو. هغه په تېرو کلونو کې په ځانګړي ډول د ښځو او نجونو د حقونو د محدودیتونو په اړه پراخ او تفصیلي راپورونه خپاره کړي دي.

قطر چې له طالبانو سره نږدې اړیکې لري، په وروستیو کلونو کې د افغانستان په اړه د ملګرو ملتونو د دریو مهمو ناستو کوربتوب هم کړی، او د نړیوالو ډیپلوماټیکو هڅو یوه مهمه مرکز پاتې شوې ده.

هغه نن جمعه، د لیدنۍ ۷مه په اېکس خواله رسنۍ لیکلی، د امریکا د ترورستي پیښې وروسته ځینو ټول پښتانه، ځینو یې طالبان او ځینو یې د طالبانو مخالفین ملامته کړل، برعکس طالبانو او د هغوی ملاتړو بیا صفر واحدونه، امریکایی وګړي، د جمهوریت ملاتړي او یو شمیر سیاستوالو خو د خلیلزاد په څیر شخصیتونه ملامت کړل.

نبیل همدراز لیکلی، چې د واشنګټن پیښه د کډوالۍ پایله نه ده، نه د غربت، او نه هم دا د یوې ځانګړې توکمیزې ډلې سره تړاو لري.

نوموړی زیاتوي دا پیښه د متحده ایالاتو د پیچلو پالیسیو، سیمه ایزو سیالیو، نیابتي جګړو، او د افراطیت شبکو محصول دی چې خپلې ریښې یې له منځني ختیځ څخه تر سویلي اسیا پورې رسولي دي.

رحمت الله نبیل لیکلی:«سربیره پردې، دا اړینه ده چې د رحمان الله د مېرمن او د هغې د کوچنیو ماشومانو په څیر کورنیو ملاتړ وشي، چې بې ګناه دي، ترڅو دوی د تبلیغاتو، ټولنیزو فشارونو او سیاسي لوبو قرباني نشي.»

د یادونې وړ ده، چې د رحمان الله لکڼوال په نوم یوه افغان دوه ورځې وړاندې په واشنګټن کې د ملي ګارډ دوه عسکر په ډزو ټپیان کړل چې یوې یې د سختو ټپونو له امله په روغتون کې ساه ورکړې ده.

د ډونالډ ټرمپ حکومت د یادې پېښې په غبرګون کې پر افغانانو هر ډول د کډوالۍ پروګرامونه د نامعلومې مودې لپاره بند کړل او همدا راز تر ۲۰۲۱کال وروسته دغه هېواد ته د ورغلو افغانانو د قضیو بیا پلټنو امر یې کړی دی.