اصف درانی: د افغانستان او پاکستان ترمنځ روانې شخړې اوږدمهاله نه‌دي

د امریکا د کورني امنیت وزارت له خوا د داعش په ملاتړ د تورن جهان شاه صافي ورور، ضیاءالحق صافي له افغانستان انټرنشنل سره په خبرو کې پر خپل ورور د امریکا له خوا لګول شوی تور ردوي.

نوموړي ویلي، چې ورور یې د داعش ډلې ملاتړی نه بلکې، د یادې ډلې پر خلاف مبارز شخص دی.

ضیاءالحق صافي افغانستان انټرنشنل ته وویل:« جهان شاه په کونړ، ننګرهار او لغمان ولایتونو کې دندې ترسره کړې دي او د داعش پر ضد عملیاتو کې یې برخه اخیستې ده، هغه باندې لګیدلی تور مطلق دروغ دی.»

ضیاءالحق صافي د امریکا د کورني امنیت وزارت د هغې ادعا په اړه چې ګواکې د نوموړي پلار له داعش سره تړاو درلود او جهان شاه یې مالي ملاتړ کاوه وايي:«زموږ پلار د جمهوري حکومت په لومړیو کلونو کې د کونړ والي و، له هغې وروسته یې عمر زیات شو، ناروغ شو، بیا د ۲۰۲۲کال په فبروي کې ومړ. موږ دلته خپل ژوند کوو، ورور مو په امریکا کې خپل ژوند کوي.»

نوموړي ویلي، چې جهان شاه د خپلې دندې پرمهال په ننګرهار او کونړ کې د داعش پر ضد عملیاتو کې دوه ځله ټپي شوی هم دی.

د جهان شاه صافي ورور وايي، چې نوموړی د تېرجمهوري حکومت پرمهال د ملي امنیت عمومي ریاست اړوند د کونړ، لغمان، ننګرهار او د جمهوري نظام د پرځیدو پرمهال په کونړ کې د ملي امنیت د رییس پر دنده پاتې و.

د نوموړي په وینا، د امریکا حکومت دې پر هغه د لګېدلو تورونو په اړه له سر غور وکړي.

د افغانستان د ملي امنیت پخواني رییس رحمت الله نبیل او د متحدې جبهې مشر جنرال سمیع سادات هم د امریکا د کورني امنیت وزارت له خوا پر جهان شاه صافي د لګول شويو تورونو په اړه توند غبرګون ښودلی او ویلي یې دي، چې جهان شاه صافی د افغانستان د ملي امنیت ریاست یو له خورا فعالو او اغېزناکو افسرانو و.

د طالبانو سترې محکمې د یوې خبرپاڼې په خپرولو سره ویلي چې د کابل ولایت د نشه یي توکو او مسکراتو څخه د مخنیوي ابتداییه محکمې دغو ۱۵ کسانو ته د الکولي مشروباتو، نشه یي ټابلیټونو او چرسو د خرڅلاو او قاچاق په تور له ۷ میاشتو څخه تر څلورو کالونو پورې د بند او له ۱۰ څخه تر ۳۰ دُرو د وهلو سزا ټاکلې وه.

خبرپاڼه زیاتوي، چې پر دغو ۱۵ تنو د ټاکل شوې سزا پرېکړه نن پنجشنبه (د لېندۍ ۱۳مه) د طالبانو د سترې محکمې له تایید څخه وروسته عملي شوې ده.

د یادولو وړ ده، چې یادې ډلې نن د جعلي پیسو په تور هم په پکتیا کې درې تنه په عام محضر کې په دُرو وهلي دي.

له یاد سفارت څخه په خپره شوې خبرپاڼه کې راغلي چې په دې لیدنه کې دواړو لوریو د افغانستان او روسیې ترمنځ د دوه‌ اړخیزو اړیکو وضعیت، د اړیکو راتلونکي او د سیمې د وروستیو تحولاتو په اړه بحث کړی دی.

خبرپاڼه زیاتوي، طالب سفیر سردار شکیب د طالبانو او مسکو ترمنځ د همکاریو د پراختیا او پرمختګونو ستاینه کړې او د روسیې له‌خوا د طالبانو په رسمیت پېژندل یې د سیمه‌ییز ثبات او همکاریو د پیاوړتیا لپاره ارزښتناک ګام بللی.

شکیب ټینګار کړی چې طالبان له ټولو هېوادونو سره د متقابل احترام، ګډو ګټو او رغنده همکارۍ پر بنسټ د اړیکو ټینګښت ته ژمن دي او د سیمې د سولې او ثبات د ټینګېدو لپاره د هر ډول همکاریو لپاره بشپړ چمتووالی لري.

بل خوا خوریف هم د دواړو لوریو ترمنځ د اړیکو د پراختیا له بهیر څخه ستاینه کړې او ویلي یې دي چې روسیه تل هڅه کوي په سیمه کې یو مثبت، رغنده او مسوولانه رول ولوبوي او د ثبات او همکارۍ په پیاوړتیا کې مرسته وکړي.

د طالبانو ویاند ذبیح الله مجاهد د پکتیا په زرمت ولسوالۍ کې یوې غونډې ته د وینا پرمهال د عصري علومو پر زده کړه ټینګار کړی او وايي چې «عصري علوم ځکه مهم دي چې “بدمعاشان” افغانستان ته په کږه سترګه ونه ګوري.»

نوموړي د خپلو خبرو پرمهال ویلي، چې د دښمن د عصري وسلو او ټیکنالوژۍ پر وړاندې په عادي وسلو مقابله نه شي او د عصري علومو په مټ باید پرمختګ وکړي.

مجاهد زیاته کړې:«د دښمن له عصري وسلې سره په بیلچه، تومانچه، کلاشنکوف او راکټ هم نه کېږي، ان زموږ په دا ټولو وسلو چې تاسې وایاست چې دا د امریکایانو څخه خو دیرې وسلې پاتې دي بس مو دی نظام پرې ساتلای شو، نه یې شو ساتلی».

نوموړي زیاته کړې، چې « نور پرمختګ غواړو، نن سبا به جګړه د ټیکنالوژۍ او یا مصنوعي ځیرکتیا وي، نو په دغو برخو کې هم ځان رسیدل په کار دي.»

دا په داسې حال کې ده، چې د افغانستان پر ځینو ولایتونو د پاکستان د هوايي بمباریو له امله پر طالبانو ګڼې نیوکې وشوې او خلک غوښتنه کوي، چې پر افغانستان د ورته بریدونو د مخنیوي لپاره باید د عصري علومو زده کړې او ټینکالوژۍ ته ډېره پاملرنه وشي.

د طالبانو له واکمنېدو وروسته د یادې ډلې د سخت چلند او بندیزو له امله د پوهنتونونو ګڼ استادان، پوهان او نور اغیزناک کسان له هېواده وتلي او اوس د طالبانو تر واک لاندې د افغانستان د تعلیمي نظام د کمزورۍ له امله ګڼې اندیښنې رامنځ ته شوې دي.

عبدالرقیب مبارز، چې د کابل د ۲۲۲بلوا ضد ځانګړي قطعې (CRU) پخوانی قوماندان دی او اوس د امریکا په اوهایو ایالت کې اوسي، په خپل لیک کې د تېرې اونۍ هغه برید غندلی چې په واشنګټن ډي سي کې د امریکا د ملي ګارد پر سرتېرو یوه افغان وګړي کړی و.

هغه ویلي، دا برید د ټولو افغانانو د نظریې استازولي نه کوي او دا یو خیانت و.

جنرال مبارز د ټرمپ په نوم لیک کې لیکلي چې افغانان د ترهګرۍ برخه کې د امریکا درد درک کوي او له امریکا او قربانیانو سره یې همدردي لري.

نوموړي، چې د امریکا او برېتانیا د ځانګړو ځواکونو له لوري روزل شوې قطعې مشري یې کړې ده، ویلي چې د کابل په امنیت کې د هغوی رول مهم و او د لوېدیزو سفارتونو، پوځیانو او نړیوالو تاسیساتو د خوندي کولو لپاره یې له امریکايي ځواکونو سره اوږه په اوږه جګړه کړې ده.

هغه په۲۰۲۱ کال کې د امریکايي ځواکونو ګډوډ خروج د واشنګټن ستراتیژیکه ناکامي بللې او ټینګار یې کړی چې د طالبانو له بیا واکمنېدو وروسته زرګونه پخواني افغان امنیتي سرتیري نیول شوي، شکنجه شوي او وژل شوي دي.

مبارز زیاتوي چې ډېری افغان پخواني سرتیري لا هم د خطر له امله پټ ژوند کوي، خو وايي، « موږ د امریکا ملاتړ منو، خو د دایمي پاتې کېدو غوښتونکي نه یو، خپل وطن ته بېرته ځو او د ازادۍ لپاره به جګړه کوو، یوازې نه ځو، ملاتړ ته اړتیا لرو».

هغه ټرمپ ته وړاندیز کړی چې افغانستان ته د امریکايي سرتېرو ستنېدو ته اړتیا نشته، بلکې یوازې سیاسي او مادي ملاتړ دې وکړي، ځکه افغانان د خپل وطن د ازادۍ توان لري.

مبارز په لیک کې ویلي چې د طالبانو واکمني افغانستان یو ځل بیا د القاعدې پټنځای ګرځولی او د سیمې او نړۍ امنیت ګواښي.

هغه له ټرمپ څخه غوښتي چې د دوحې تړون لغوه کړي، د طالبانو د واک ته رسولو مسوولان محاکمه کړي او له افغانانو سره د خپل هېواد بېرته نیولو په برخه کې همکاري وکړي.

نوموړي ټینګار کړی چې افغانان د ازادۍ او ډیموکراسي ارزښتونو ته ژمن دي او د څو تنو توندلارو کړنې باید د ټول ملت په اړه د قضاوت سبب نه شي.