افغان لوبغاړی فرامرز محمد سبا د سکاټلنډ رایان کمپل پر وړاندې لوبه کوي

په دغه سیالیو کې شپږو بهرنيو او لسو کورنيو لوبغاړو ګډون کړی. دغه سیالۍ به د کابل د بدني روزنې او ورزش ادارې په ۲۵۰۰ کسیز تالار کې ترسره شي او لوبې به د روانې لېندۍ میاشتې له ۱۳مې تر ۱۹مې نېټې دوام وکړي.

په ټولیزه توګه له افغانستان نه به لس لوبغاړي، له ازبکستان نه څلور، له ایران او سوریې نه یو، یو لوبغاړی د اتلولۍ د ترلاسه کولو لپاره سیالي وکړي.

له بل پلوه د بډمېنټون افغان ښځینه لوبغاړو بیا نیوکه کړې، چې د ښځو له ګډون پرته د دغه ډول سیالیو ترسره کول د ورزشي ارزښتونو او د بډمېنټون نړۍوال فدراسیون د معیارونو خلاف دي.

سرچینو دا هم ویلي، هغه لوبغاړی چې له ایران نه یې په سیالۍ کې برخه اخیستې وه؛ د دغه فدراسیون له‌خوا نه‌دی منل شوی او ویل کېږي، چې نوموړی یو سیمه‌ییز لوبغاړی دی.

100%

د سپینې ماڼۍ د نړۍوال جام د کاري ځواک مشر اندریو جولیاني خبریالانو ته وویل: «ولسمشر په خپل اجراییوي فرمان کې ایران د یو داسې هېواد په توګه شامل کړی، چې لوبډله به یې دلته د سیالیو لپاره له بندیزونو معاف وي.»

جولیاني د سیالیو په ځای کې د کډوالۍ ادارې د عملیاتو د ترسره کېدو اړوند د یوې پوښتنې په ځواب کې وویل: «ولسمشر د امریکايي وګړو د امنیت د زیاتوالي لپاره هېڅ انتخاب نه ردوي.»

دا په داسې حال کې ده، چې د ۲۰۲۶ کال د فوټبال نړۍوال جام د امریکا، کاناډا او مکسیکو په کوربتوب تر سره کېږي.

۲۸ کلن افغان لوبغاړي احمد حلیمسون تر اوسه پورې په ۱۰ مسلکي سیالیو کې برخه اخیستې، چې له دې ډلې ۶ یې ګټلې او ۴ یې بایللې دي.

له بلې خوا، د چک جمهوریت ۳۳ کلن لوبغاړی جان ملک په «اېم‌اېم‌اې» سیالیو کې ډېره تجربه لري. هغه تر اوسه پورې په ۳۴ مسلکي سیالیو کې برخه اخیستې ده، چې ۱۸ یې ګټلې او ۱۶ یې بایللې دي.

100%

فرشته خاني چې پخوا یې په ووشو سیالیو کې ښه فعالیت کړی، دا ځل یې د پاکستان په سترو ازاده سیالیو کې برخه اخیستې وه او د رزمي لوبو د مینه‌والو پام یې ځان ته راواړاوه.

هغه د پاکستان په کویټې ښار کې د فجر سوک وهنې اکاډمۍ کې د بسم الله ناصح په نوم د سوک وهنې افغان روزنکي تر څارنې لاندې تمرین کوي او له ډېرو هڅو او هلوځلو سره یې د رزمي لوبو د ورزشکارانو په منځ کې یو مهم مقام ترلاسه کړی دی.

100%

د افغانستان کرېکټ بورډ د یوې خبرپاڼې په خپرولو سره ویلي، چې یادې سیالۍ به د ډسمبر میاشتې تر ۲۱ نیټې پورې د متحده عربي اماراتو په دوو لوبغالو کې ترسره شي.

کرېکټ بورډ ویلي، چې د نوولس کلنو اسیا جام سیالیو لپاره د افغان لوبډله کې محبوب تسکین، خالد احمدزی، عثمان سادات، فیصل خان شینوزاده، عزیرالله نیازی، عزیزالله میاخېل، نظیف الله امیري، خاطرخان ستانکزی، نصرت الله نورستاني، عبدالعزیز خان، سلام خان احمدزی، واحدالله ځدراڼ، زیت الله شاهین، روح الله عرب او حفیظ الله ځدراڼ شامل دي.

د افغانستان د کرېکټ بورډ د لوبغاړو غوراوي کمېټې مشر احمدشاه سلیمانخېل ویلي:«افغان لوبډلې په تېرو څو میاشتو کې په خوست او ننګرهار ولایتونو کې ګڼ تمریناتي کمپونه او غوره چمتوالی ترسره کړی دی. د دغو تمریناتو پر مټ افغان لوبډلې په بنګله دېش او اسیا جام سیالیو کې خورا ښې لوبې ترسره کړې. موږ ډاډه یو چې د بنګله دېش او هند پر وړاندې سیالیو کې به افغان لوبډله لا زیاته چمتو شوې وي او هیله من یو چې افغان ځوانان به راتلونکو اسیا جام سیالیو کې غوره لوبه نندارې ته وړاندې کړي.»

افغان لوبډله اوسمهال د هند په بنګلور ښار کې ده او د درې اړخیزې لوبلړۍ له پایلوبې وروسته به په اسیا جام سیالیو کې د ګډون په موخه متحده عربي اماراتو ته سفر وکړي. افغان لوبډله د یادو سیالیو په دویم ګروپ کې د بنګله دېش، سریلانکا او دویم کوالیفایر لوبډلې سره چې په نږدې ورځو کې به په ډاګه شي، ځای لري او خپله لومړۍ لوبه به د راتلونکې دسمبر میاشتې په ۱۳مه نېټه د بنګله دېش د نوولس کلنې کم عمره لوبډلې پر وړاندې ترسره کړي.