زېلېنسکي: د جګړې د ختمولو لپاره د یووالي هڅو ته اړتیا ده
د اوکراين ولسمشر ولاديمير زېلېنسکي د دوشنبې په ورځ لندن ته سفر وکړ او ويې ويل، چې د روسيې پر وړاندې د جګړې د ختمولو لپاره د اوکراين، اروپا او امريکا يووالی ډېر اړین دی.
د اوکراين ولسمشر ولاديمير زېلېنسکي د دوشنبې په ورځ لندن ته سفر وکړ او ويې ويل، چې د روسيې پر وړاندې د جګړې د ختمولو لپاره د اوکراين، اروپا او امريکا يووالی ډېر اړین دی.
په دغه لیدنه کې نن دوشنبه (د لیندۍ۱۷مه) زېلېنسکي د برېتانيا، فرانسې او جرمني له مشرانو سره ولیدل، څو د امريکا د سولې وړانديز شوې طرحې ملاتړ ترلاسه کړي. هغه وويل، اوکراين له اروپايي او امريکايي ملاتړ پرته نه شي کولی مهمې پرېکړې وکړي.
بلخوا، د برېتانيا لومړي وزير کېير سټارمر ويلي چې د اوکراين په چارو کې بايد په خپله کییف پرېکړه وکړي.
د جرمني لومړي وزیر او د فرانسې ولسمشر هم په غونډه کې د امريکا د طرحې په ځينو جزياتو تبصره وکړه، خو ټينګار یې وکړ چې د خبرو او د همکاريو جاري ساتل پکار دي.
