طالبانو په ننګرهار کې د «غلا» په تور دوه کسان په دُرو ووهل
طالبانو په ننګرهار ولایت کې دوه کسان په عام محضر کې په ۲۵-۲۵ دُرو ووهل. د طالبانو سترې محکمې د سهشنبې په ورځ (د لیندۍ ۱۸مه) د یوې خبرپاڼې په خپرولو سره ویلي، چې پر یادو کسانو د غلا تور و.
طالبانو په ننګرهار ولایت کې دوه کسان په عام محضر کې په ۲۵-۲۵ دُرو ووهل. د طالبانو سترې محکمې د سهشنبې په ورځ (د لیندۍ ۱۸مه) د یوې خبرپاڼې په خپرولو سره ویلي، چې پر یادو کسانو د غلا تور و.
د خبرپاڼې له مخې، دغه کسان پر دوه کاله تنفيذي بند هم محکوم شوي دي.
که څه هم طالبان کابو هره ورځ په بېلابېلو ولایتونو کې لسګونه کسان په دُرو وهي، خو د افغانستان انټرنشنل- پښتو د موندنو لهمخې، طالبانو یوازې په تېرو درېیو (اګسټ، سپټمبر او اکټوبر) میاشتو کې د هېواد په ۲۱ ولایتونو کې ۳۳۱ کسان د «نامشروع اړیکو، له کورونو د تېښتې، بد اخلاقۍ، زنا، لواطت، غلا، رشوت، د شرابو په ګډون د نشه يي توکو کاروبار، جعل او فرېبکارۍ» په تورونو د خلکو په مخ کې لسګونه دُرې وهلي او یو شمېر یې پر څو کاله تنفیذي بندونو هم محکوم کړي دي.
