د ترکیې ۱۲۷۱ ټنه بشري مرستې افغاني سرې میاشتې ته وسپارل شوې

د طالبانو د عامې روغتیا وزیر نورالله جلالي د پولیو د وضعیت او د رسنیو د رول اړه غونډه کې ویلي، چې پولیو د افغان ماشومانو روغتیا ګواښي او طالبان هڅه کوي د یادې ناروغۍ د له منځه وړلو لپاره خپلې هڅې ګړندۍ کړي.

یاد طالب وزیر ویلي، چې په افغانستان کې د پولیو د له منځه وړلو لپاره قوي تعهد لري.

د طالبانو د عامې روغتیا وزیر نورالله جلالي په وینا، سږکال په افغانستان کې د پولیو ۹ مثبتې پیښې ثبت شوې دي.

جلالي زیاته کړې:«په هغه سیمو کې چې کورنۍ خپل ماشومان د واکسین ورکولو لپاره نه شي حاضرولی، خو بیا د نورو پروګرامو له لارې واکسین ورته رسوي او د یادو هڅو په پایله کې سږکال د پولیو مثبتي پیښې کمې شوې او سږکال یوازې ۹ مثبتې پیښې ثبت شوې دي.»

جلالي ویلي، چې د پولیو واکسین پر منظمو کمپاینونو سربیره لا هم له ځینو ستونزو سره مخ دي.

نوموړي زیاته کړې، چې ځینې کسان لا هم د پولیو په ګډون واکسینونو ته د شک په سترګه کوي او په دې برخه کې همکاري نه کوي.

نوموړي ویلي، په افغانستان کې د پولیو ویریوس د بشپړ له منځه وړلو لپاره د سیمه یيزو رسنیو، عالمانو، قومي مشرانو او نورو ډلو همکاري اړینه ده.

د طالبانو د عامې روغتیا وزیر پرداسې مهال د پولیو د ګواښونو په اړه اندېښنه شریکوي چې د طالبانو له واکمنېدو وروسته یادې ډلې کور په کور د پولیو پر واکسین بندیز لګولی دی او د پولیو واکسین څانکې په جوماتو کې راټولو شویو ماشومانو ته ورکول کېږي.

دې ډلې د جمهوري نظام د واکمنۍ په کلونو کې وخت ناوخته د پولیو واکسین کمپاین کوونکي او واکسیناتوران هم په نښه کړي دي.

د طالبانو د کورنیو چارو وزارت په خبرپاڼه کې راغلي چې دواړو لوریو په افغانستان کې پر روان وضعیت، ټولنیز ثبات او د بېرته راستنېدونکو کډوالو لپاره د مرستو په برابرولو هم هر اړخیز بحث کړی دی.

خبرپاڼه زیاتوي چې نبي عمري د اروپایي ټولنې د مرستو دوام ستایلی او ټینګار یې کړی چې باید دوه اړخیزې اړیکې او همکارۍ په دوامداره ډول پیاوړې شي.

یاد طالب چارواکی په داسې حال کې د مخدره توکو د مخنیوي په اړه خبرې کوي چې څو ورځې وړاندې ځینو سرچینو افغانستان انټرنشنل – پښتو ته ویلي و، چې د ملا هبت الله له خوا ګوښه شوي د کورنیو چارو وزارت د نشه يي توکو سره د مبارزې معین محمد قاسم خالد غوښتل د هغو طالب چارواکو نومونه افشا کړي، چې د نشه یې توکو په پلور او قاچاق کې لاس لري.

قاسم خالد ویلي و، چې غواړي د هغو طالب چارواکو په اړه په رسمي ډول د طالبانو مشر ملا هبت الله ته معلومات ورکړي چې د مخدره توکو په قاچاق او پلور کې لاس لري.

طالبانو د تېر اکتوبر میاشتې پر ۲۲ مه نېټه د نیمروز پخوانی والي محمد قاسم خالد د یادې ډلې د کورنیو چارو وزارت له نشه يي توکو سره د مبارزې د معین په توګه وټاکه، خو له ۲۸ ورځو وروسته یې له دندې ګوښه کړ او پر ځای یې د یادې ډلې د اصلاحي کمیسیون پخوانی رییس عبدالرحمن منیر په دنده وګوماره.

یو شمېر سرچینو د هغه په ګوښه کېدو کې د نشه يي توکو هغه قاچاقیان ښکیل وګڼل، چې د طالبانو په لیکو کې دي.

د یاد ګوند په اعلامیه کې راغلي، چې د افغانستان د ژغورنې لپاره د ملي مقاومت شورا په افغانستان کې د قانون د حاکمیت او ډیموکراسۍ د بېرته ترلاسه کولو مبارزې لپاره جوړه شوې وه او تمه کېده چې یاده شورا به له تېرو ناکامو تجربو زده کړه تر نظر لاندې ونیسي او له بحران څخه د وتلو لپاره به د موقتي، فصلي، تاکتیکي او ماتوونکو ایتلافونو جوړولو پر ځای د یوه کلک او ثابت محوره مبارزې پر پیاوړتیا تمرکز وکړي.

خو اعلامیه وايي، د ځینو ګوندونو ناسم چلند او له ملي ګټو سره د هغوی سمون نه لرونکي پروګرامونه او ایتلافونه له تېرو ناکامو تجربو سره ورته والی څرکندوي.

د صلاح الدین په مشرۍ جمعیت ګوند ویلي، چې یادو موضوعاتو ته په کتو سره یې د افغانستان د ژغورنې لپاره د ملي مقاومت عالي شورا کې د څه مودې لپاره په عملي توګه خپل غړیتوب ځنډولی دی او اعلان کوي چې یاد ګوند نور د نوموړي شورا غړی نه دی.

د جمعیت اسلامي ګوند په اعلامیه کې ویل شوي، چې یاد ګوند په مناسبو شرایطو کې د افغانستان اوسني ناورین څخه د خلاصون لپاره خپلې سیاسي مبارزې باندې تمرکز کوي.

جمعیت ګوند یاده اعلامیه پر داسې مهال خپره کړې ده، چې تېره ورځ د افغانستان د ژغورنې ملي مقاومت عالي شورا، د ژغورنې ملي مجمع او د سولې او عدالت حرکت د سیاسي احزابو د همغږۍ اعلامیه خپره کړه، چې د څارونکو په باور، یو غیر رسمي ایتلاف ګڼل کیږي.

د طالبانو د بهرنیو چارو وزارت ویلي، چې نن د چارشنبې په ورځ، د لېندۍ ۱۹مه د یادې ډلې د بهرنیو چارو وزیر امیرخان متقي د افغانستان لپاره د اروپايي اتحاديي له ځانګړي استازي سره کتلي.

په خبرپاڼه کې ویل شوي، چې د اروپايي اتحاديې استازي د طالبانو لاسته راوړنې ستایلې او له افغانستان سره د اروپايي اتحادیې د مرستو پر دوام یې ټینګار کړی دی.

طالبانو ویلي، د اروپايي اتحاديې استازي ویلي، چې په اقتصادي برخه کې یې افغانستان ته خپله پاملرنه زیاته کړې او په افغانستان کې د لویو بهرنيو شرکتونو د پانګونې د راجبولو لپاره یې د لازیاتې همکارۍ غوښتنه کړې ده.

سراج الدین حقاني د چارشنبې په ورځ په کابل کې د طالبانو ځانګړو ځواکونو په سیمینار کې د خپلو خبرو په ترڅ کې وویل، چې سرتېري یې باید هدف ته تر رسېدو وړاندې اقدام ونه کړي او بې ګناه خلک ونه وژني.

حقاني زیاته کړه، «د نظامي عملیاتو پر مهال موخې ته تر رسېدو وړاندې اقدامات مه کوئ، ځکه خدای تعالی وایي چې که د یوه بې ګناه انسان په قتل کې ځمکه او اسمان شریک شي، نو جهنم ته به واچول شي.»

نوموړي ټینګار وکړ چې د مشرانو پاملرنه او د کشرانو اطاعت ددې لامل شوي چې یاد ځواکونه په امنیتي برخه کې مهمې لاسته راوړنې لري.

هغه ادعا وکړه چې د طالبانو د ځانګړو ځواکونو پر وړتیا او لاسته راوړنو نه یوازې دوستان نه بلکې دښمن هم اعتراف کوي.

حقاني دغه راز خپلو ځواکونو ته سپارښتنه وکړه چې له خلکو سره په چلند کې اخلاص، عاجزي او احتیاط رعایت کړي او د طالبانو د واکمن نظام د بقا لپاره خپلې جسمي او باطني وړتیاوې وکاروي.

هغه خپل ځواکونه له خپلسرۍ ډډې کولو ته وبلل، چې په وینا یې د نورو هېوادونو د ځانګړو قطعاتو په څېر د خلکو خلاف او تیریګر نه شي.

د حقاني تازه څرګندونې داسې مهال دي چې د بشري حقونو ډلې، پخواني حکومتي چارواکي او د قربانیانو کورنۍ له کلونو راهیسې پر طالبانو نیوکه کوي چې د جمهوریت پر مهال یې په ګڼو بمي او ځانمرګو بریدونو کې د ملکیانو پراخه مرګ‌ژوبله رامنځته کړې ده.