په پاکستان کې د روسیې سفیر البرټ خورف وایي چې مسکو د پاکستان او طالبانو ترمنځ د تاوتریخوالي د زیاتېدو په اړه اندېښمن دي. دغه روسي ډیپلومات زیاتوي، مسکو هیله لري چې پاکستان او طالبان به خپل اختلافات په ډیپلوماټیک ډول حل کړي.
هغه په اسلام اباد کې د روسیې په سفارت کې په یوه خبري غونډهکې وویل: «موږ هیله لرو چې دواړه خواوې به وکولی شي دا وضعیت په ډیپلوماټیک ډول حل کړي.»
په پاکستان کې د روسیې د ډیپلوماټیک ماموریت مشر زیاته کړه چې مسکو چمتو دی چې له اسلام اباد او طالبانوسره د ترهګرۍ ضد همکارۍ زیاتې کړي.
ښاغلي خورف ټینګار وکړ: «ترهګري یوه ګډه ستونزه ده، او د دې ګواښ پر وړاندې مبارزه د پاکستان او افغانستان، روسیې او نورې نړۍ په ګټه ده.»
د ۲۰۲۵کال په اکتوبر کې، د پاکستان او طالبانو ترمنځ په ډیورنډ کرښهوسله والې نښتې وشوې، چې د طالبانو د واک ته رسیدو راهیسې تر ټولو خونړۍ وې.
په اسلام آباد کې د روسیې سفیر مخکې اعلان کړی و چې د هغه هیواد د طالبانو او پاکستان ترمنځ منځګړیتوب ته چمتو دی. البرټ خورف د سیمې د امنیتي وضعیت په اړه د اندیښنې په څرګندولو سره وویل چې هیواد یې په جنوبي آسیا کې د سولې او ثبات د ټینګښت لپاره د هڅو ملاتړ کوي.
