په کابل کې د ګیروګرومن پهلوانۍ سیالۍ په رسمي ډول پیل شوې
د طالبانو د المپیک، بدني روزنې او ورزش اداره وایي، چې په کابل کې د شپږو ولایتونو په ګډون د «ګیروګرومن» غېږ نیونې سیالۍ په رسمي ډول پیل شوې.
د طالبانو د المپیک، بدني روزنې او ورزش اداره وایي، چې په کابل کې د شپږو ولایتونو په ګډون د «ګیروګرومن» غېږ نیونې سیالۍ په رسمي ډول پیل شوې.
د یادې ادارې د معلوماتو له مخې، دغه سیالۍ به د څلورو ورځو لپاره دوام کوي او پکې به د هېواد له شپږو ولایتونو څخه شاوخوا پنځه سوه ورزشکاران ګډون وکړي.
په دې سیالیو کې به غېږباسي د لويانو په عمري کچه کې، د لسو بېلابېلو وزني کټګوریو په چوکاټ کې یو له بل سره سیالي وکړي.
د طالب مسوولینو په وینا، د دغو سیالیو موخه د غوره استعدادونو پېژندنه او د ملي لوبډلې پیاوړتیا ده. د سیالیو په پای کې به د ګډونوالو له ډلې څخه څلوېښت تنه غوره ورزشکاران د هېواد د ګیروګرومن پهلوانۍ لوبډلې ته د غړیتوب لپاره وټاکل شي.
