عراقچي: څوک دې دا نه‌وایي چې عراقچي نه‌پوهېږي «بندیز» څه شی دی

اوس د جرمني په کولن او څلورو نورو ښارونو کې یو ځانګړی روزنیز بهیر روان دی چې موخه یې د جرمني له ښوونیز نظام سره مرسته کول او کډوالو ته د عادلانه کاري فرصتونو برابرول دي.

دا روزنیز بهیر هغو کسانو ته لاره هواروي چې له نورو هېوادونو ورغلي او غواړي یو ځل بیا د ښوونکي په توګه کار پیل کړي. په دې بهیر کې ګډونوال ښوونکي جرمني ژبه، د تدریس لارې چارې، د ښوونې او روزنې اصول زده کوي او له دې سره د ښوونځیو دننه عملي تجربه هم تر لاسه کوي.

د انفو اېمېګرېشن د راپور له‌مخې دغه طرحه په شمالي راین ویستفالن ایالت کې په څو پوهنتونونو کې عملي کېږي. چارواکي وايي، له دې سره به تر ډېره د ښوونکو تشه ډکه شي. د اټکل له‌مخې د جرمني ښوونیز نظام د لسګونه زره ښوونکو له کمښت سره مخ دی او دا تشه ورځ تر بلې پراخیږي.

بل‌خوا بیا ډېر داسې کډوال شته چې د ښوونې او روزنې ډېره تجربه لري، خو د اداري خنډونو له امله اړ دي لنډمهاله او بې‌ثباته کارونه وکړي.

دغه طرحه په ۲۰۱۸ کال کې په کولن کې پیل شوه او لا هم عملي کېدونکې ده. د پروګرام همکاران وايي، لومړۍ ډله ښوونکي زیاتره له ترکيې او سورېې و، خو اوس دغه بهیر ته د اوکراین، برازیل او ان افریقایي هېوادونو ښوونکي هم ورمات شوي دي. دوی ټینګار کوي، چې په داسې حالت کې د استعدادونو له پامه غورځول، د جرمني په تاوان دي.

د پوټسډام پوهنتون یوې څېړنې ښودلې چې ګډونوال له دې بهیر وروسته ځانونه ډېر باوري احساسوي، جرمني ژبه یې پیاوړې شوې او غواړي په اوږد مهال ډول په جرمني کې د ښوونکو په توګه کار ته دوام ورکړي او نور هم ورته هڅوي.

سره له دې، چې د دغې طرحې تمویل یوازې د ۲۰۲۷ کال تر پای پورې تضمین شوی او ځینې ورته ملي پروژې لا دمخه پایته رسېدلې دي. مسوولین خبرداری ورکوي، چې د تکړه کسانو له لاسه ورکول د ښوونې پر راتلونکې بده اغېزه کولی شي.

ګډونوال او ښوونکي له جرمن چارواکو غواړي، چې د بهرنیو سندونو د منلو بهیر اسانه کړي او د دې ډول روزنو بهیر پراخ کړي، څو هم د ښوونکو کمښت راکم شي او هم د کډوالو مسلکي وړتیاوې ضایع نه‌شي.

بقایي د ایران پر هغه بنسټیز دریځ ټینګار وکړ، چې هر ډول ترهګري او تاوتریخوالی غندي او زیاته یې کړه، هغه لوري چې د سوریې په خاوره کې ناقانونه مداخله کوي او د دې هېواد پر حاکمیت او ځمکنۍ بشپړتیا تېری کوي، د ترهګرۍ د پراختیا پر وړاندې هم مسوولیت لري.

د سوريې دولتي اژانس ویلي، چې د جمعې په ورځ د سوریې د حُمص ښار په جومات کې د لمانځه پرمهال چاودنه شوې او له امله یې ۸ کسان وژل شوي او څه باندې ۲۰ نور ټپیان شوي دي.

د رویټرز د راپور له‌مخې، د دغې چاودنې مسوولیت په سوریه کې «انصار السنه» په نوم یوې ډلې منلی دی.

د روسیې د بهرنیو چارو وزارت د جمعې په ورځ (د مرغومي ۵مه) اعلان وکړ، اوکراین هڅه کوي هغه مذاکرات ګډوډ کړي، چې د جګړې د پای ته رسولو لپاره د واشنګټن له طرحې سره تړاو لري. مسکو ویلي، نوی وړاندیز چې کېیف وړاندې کړی، په بنسټیز ډول له هغه سند سره توپیر لري، چې روسیې پرې له امریکايي لوري سره خبرې کړې وې.

د روسیې د بهرنیو چارو مرستیال وزیر سرګي ریابکوف وویل، چې د سولې تړون راتلونکی د دواړو لورو په سیاسي ارادې پورې تړلی دی. ده ټینګار وکړ، که د الاسکا په سرمشریزه کې ټاکل شوی چوکاټ رعایت نه‌شي، نو «هېڅ هوکړه به رامنځته نه‌شي».

د اوکراین ولسمشر ولادیمیر زېلېنسکي بیا ویلي، استخباراتي معلومات یې ښيي چې روسیه د ټرمپ له طرحې سره مخالفت لري. ده همدارنګه څرګنده کړه، که روسیه د ۶۰ ورځو اوربند ومني، نو کېېف چمتو دی د له لاسه ورکړو ځمکو د برخلیک په اړه ټولپوښتنه وکړي.

زېلېنسکي وویل، چې د ۲۰ مادو لرونکې طرحې شاوخوا ۹۰ سلنه مواد د امریکا او اوکراین تر منځ همغږي شوي دي. نوموړي زیاته کړې، چې له ډونالډ ټرمپ سره به په راتلونکې لیدنه کې د دونباس سیمې، د زاپوریژیا هستوي برېښناکوټ او امنیتي تضمینونو په اړه خبرې وکړي.

د راپورونو پر بنسټ، دغه لیدنه ښايي د ډسمبر په ۲۸ د ټرمپ په استوګنځي مارالاګو کې ترسره شي.

دا څرګندونې په داسې حال کې کېږي، چې د روسیې او اوکراین تر منځ د جګړې د پای ته رسولو لپاره ډېپلوماټیکې هڅې په وروستیو اونیو کې چټکې شوې دي.

د صومالي‌لند جمهوریت د جمعې په ورځ (د مرغومي ۵مه) په یوې اعلامیه کې د اسراییل له هغې پرېکړې هرکلی کړی، چې دوی یې په رسمیت پېژندلي دي.

ولسمشر عبدالرحمان محمد عبدالله ایرو د رسمیت پېژندنې دا پرېکړه د خپل حکومت لپاره د نړۍوال مشروعیت د اوږد مهاله هڅو یو مهم پړاو یاد کړی او زیاته کړې یې ده: «د صومالي‌لند جمهوریت په رسمي توګه خپله اراده څرګندوي چې له ابراهیمي تړونونو سره یو ځای شي».

نوموړي ټینګار کړی، چې حکومت یې د همکارۍ او خبرو اترو په ملاتړ د خپل رغنده اړیکو جوړولو، متقابلې سوکالۍ د ودې او په منځنۍ ختیځ او افریقا کې د سولې او ثبات د پیاوړتیا لپاره ژمن دی.

ولسمشر محمد عبدالله ایرو ویلي، چې له اسراییل سره به د متقابل درناوي، ملګرتیا او ګډو ارزښتونو پر بنسټ په بېلابېلو برخو کې همکارۍ لا پياوړي کړي.

د اسراییل لومړي وزیر بنیامین نتنیاهو په خپله اېکس پاڼه بیا په همدې تړاو لیکلي:«نن ما د صومالي‌لند جمهوریت د یو خپلواک او حاکم دولت په توګه د رسمیت پېژندنه اعلان کړه».

نوموړي ویلي، چې د بهرنیو چارو وزیر ساعر او د صومالي‌لند جمهوریت له ولسمشر سره د ګډې اعلامیې تر لاسلیک وروسته یې ټینګار کړی: «ما د صومالي‌لند ولسمشر ته مبارکي وویله او د ثبات او سولې د پراختیا په برخه کې مې د هغه د مشرتابه او ژمنتیا ستاینه وکړه. ما ولسمشر ته بلنه ورکړه چې اسراییل ته رسمي سفر وکړي».

د سعودي عربستان بهرنیو چارو وزارت د جمعې په ورځ (د مرغومي ۵مه) د یوې خبرپاڼې په خپرولو سره له سوریې سره خپل پیوستون او همداراز د امنیت او ثبات لپاره د دغه هېواد د دولت له هڅو خپل ملاتړ څرګند کړی دی.

د سوريې دولتي اژانس ویلي، چې په یاد جومات کې د نن ورځې د جمعې د لمانځه پر مهال په شوې چاودنه کې ۸ لمونځ کوونکي وژل شوي او شاوخوا ۲۰ نور ټپیان شوي دي.

ویل کېږي د ځينو ټپيانو روغتیايي حالت نازک دی او ځايي امنیتي ځواکونو د چاودنې د څرنګوالي په اړه پلټنې پیل کړي دي.

د رویټرز د راپور له‌مخې، د دغې چاودنې مسوولیت په سوریه کې «انصار السنه» په نوم یوې ډلې منلی دی. دغې ډلې تر دې مخکې (په جون میاشت کې) هم په دمشق کې په یوې کلیسا کې د ځانمرګي برید مسوولیت چې له امله یې ۲۰ کسان وژل شوي و، هم منلی و.