د ایران د بهرنیو چارو وزیر عباس عراقچي په برېتانیايۍ ګارډین ورځپاڼه کې په یوه لیکنه کې ویلي: «ولسمشر ټرمپ، تاسې هېڅکله نهشئ کولای چې موږ په ایران کې مات کړئ، خو که ریښتینې خبرې وشي، دواړه لوري بریا ته رسېدای شي.»
عراقچي د خپلې لیکنې په یوه برخه کې لیکلي: «په داسې حال کې چې نتنیاهو خپل خوب ته ورسېد چې امریکا له ایران سره نظامي مقابله کې ښکېل کړي، اوس ټرمپ ته زارۍ کوي چې له دې وضعیت څخه یې وژغوري.»
د ایران د بهرنیو چارو وزیر ټینګار کړی: «د امریکایانو مخ پر زیاتېدو شمېر دا په ښکاره مني چې اسراییل یو متحد نه، بلکې یو اضافي بار دی.»
هغه د خپلې یادداښت په بله برخه کې ۱۲ ورځنۍ جګړې ته په اشارې لیکلي: «اسراییل او د هغه متحد ځواکونه ځانونه بریالي ګڼي او وایي چې اسلامي جمهوریت کمزوری شوی، خو د ایران پراخ ستراتیژیک ژوروالی دا لامل شو چې د ایران ډېری ولایتونه د اسراییلي بریدونو څخه خوندي پاتې شي.»
عراقچي همداراز ویلي: «د ۱۲ ورځنۍ جګړې پر مهال ټولو اسراییلیانو د اسلامي جمهوریت پوځي ځواک تجربه کړه.»
