په جرمني کې غلو د یوه بانک ۳۰ میلیون یورويي خزانه لوټلې ده

ریاض ویلي، دا برید پر داسې بار وړونکي هدف شوی چې د اماراتو له ملاتړه برخمنو وسله والو ته یې وسلې لېږدولې.

دا پېښه تر دې دمه د سعودي او اماراتو ترمنځ د اختلاف تر ټولو لوی پوځي تاوتریخوالی بلل کېږي.

سعودي عربستان او متحده عربي امارات، چې یو وخت د سیمې د امنیت دوه ستنې بلل کېدل، اوس یې ګټې په بېلابېلو برخو کې، له تېلو تر جیوپولیټیک نفوذ پورې، له یو بل سره واټن اخیستی دی.

د اماراتو د دفاع وزارت ویلي، چې دغه هېواد په خپله خوښه په یمن کې د ترهګرۍ ضد ځواکونو ماموریت پای ته رسولی دی.

د اماراتو دولتي خبري اژانس ددغه هېواد د دفاع وزارت له قوله ویلي، دا پرېکړه د وروستیو پرمختګونو له هر اړخیزې ارزونې وروسته شوې ده.

سعودي عربستان د سې ‌شنبې په ورځ وویل، چې ملي امنیت یې «سره کرښه» ده او تور یې پورې کړ چې اماراتو د یمن د جنوب بیلتونپالي هڅولي او عملیات یې د سعودي تر پولو ورسېدل.

اختلافونه هغه مهال لا زیات شول چې اماراتو د جنوبي انتقالي شورا (STC) ملاتړ وکړ، چې د یمن په جنوب کې د خپلواکۍ غوښتنه کوي، په داسې حال کې چې سعودي عربستان د یمن د نړیوالې ټولنې له‌خوا پېژندل شوي حکومت ملاتړ ته دوام ورکړی.

د ایران دولتي رسنیو په وینا، دا مظاهرې چې دایران په تاریخ کې د وروستیو کلونو د بې ثباتۍ پایله ګڼل کیږي، د یکشنبې او دوشنبې په ورځو کې شوې، چې د تهران داسعارو د سترو بازارونو سوداګر هم پکې شامل دي.

مسعود پزشکیان د دوشنبې په ماښام پر خپلې اېکس پاڼې د ایران د کورنیو چارو وزیر نه وغوښتل چې دلاریون کوونکو"قانوني غوښتنو" ته غوږ ونیسي.

بل لور دایران حکومت ویاندې فاطمه مهاجراني ویلي چې د خبرو یو میکانیزم به جوړ شي او د مظاهره چیانو له مشرانو سره به خبرو ته کښیني.

مهاجراني زیاته کړې "موږ مظاهرې په رسمیت پېژنو، موږ د هغوی غږونه اورو او پوهېږو چې دا د خلکو پر ژوند له فشار نه رامنځته شوې دي."

پر ایران د لویدیزو بندیزونو له امله په پرله پسې توګه د بهرنیو اسعارو پر وړاندي د ایراني کرنسۍ ارزښت راکمیږي او د بازار څارونکي وایي چې د دوشنبې په ورځ د ۳۳ امریکایي ډالرو په مقابل کې ریال یو میلیون او ۳۹۰ زرو ته راټیت شو چې دایو ریکارډ حد دی.

پزشکیان پر خپل اکس لیکلي : "موږ د پیسو او بانکدارۍ د سیسټم د اصلاح او د خلکو د پیر ځواک د ساتلو لپاره اساسي اقدامات په اجنډا کې لرو."

ایراني رسنیو خبر ورکړی چې د حکومت د اقتصادي ازادۍ وروستۍ پالیسۍ د ریال د ازاد نرخ پر بازار فشار راوړی دی.

په ۲۰۲۲ کال کې هم ایران کې مظاهرې د بیو د لوړوالي، په ځانګړې توګه د ډوډۍ د بیې په اړه وې.

دغه بې ثباتۍ په ۲۰۲۳ کال کې د یوې ځوانې ایرانۍ کُردې ښځې مهسا امیني له مړینې وروسته چټکې شوې چې د ایران د اخلاقي پولیسو په بند کې یې ساه ورکړه.

د عرب متحده ځواکونو ویاند جنرال ترکي المالکي د سعودي دولتي رسنیو ته په خبرو کې ویلي، د متحده عربي اماراتو د فجیره بندر څخه دوه کښتۍ د دوی له اجازې پرته مکلا بندر ته ورسېدې چې د سویلي انتقالي شورا د ملاتړ لپاره یې زیات شمېر وسلې او جنګي وسایط له کښتۍ ښکته کړل او وروسته دوی پرې هوایي برید وکړ. مالکي زیاته کړه، چې د هوايي برید له امله چاته زیان نه‌دی اوښتی.

خپرې شوې ویډیوګانې ښيي، د کښتيو له رسېدو وروسته وسلې انتقال شوې دي. مالکي وویل: «دغه اقدام د تاوتریخوالي کمولو، د سولې هڅو او د ملګرو ملتونو د امنیت شورا د ۲۰۱۵کال ۲۲۱۶ پرېکړې څخه ښکاره سرغړونه ده.»

دغه پرمختګ وروسته له هغې رامنځته شوی، چې د سعودي دفاع وزیر شهزاده خالد بن سلمان د STC څخه وغوښتل چې د حضرموت او المهرا ولایتونه پرېږدي او واک سیمه‌ییزو چارواکو ته وسپاري. د عرب متحده ځواکونو همداراز ټینګار وکړ، چې د حکومت سره له همغږۍ پرته به له هېڅ هېواد څخه د یمن کومې ډلې ته د پوځي مرستې اجازه ورنه کړي.

تر دې وړاندې د پاکستان لومړي وزیر شهباز شریف د تحریک انصاف ګوند ته د خبرو اترو بلنه ورکړې وه. نوموړي د کابینې غونډې ته په وینا کې ویلي و، چې تر دې وړاندې یې هم د تحریک انصاف ګوند ته د خبرو اترو بلنه ورکړې وه او اوس د هېواد د پرمختګ لپاره یو وار بیا د خبرو بلنه ورکوي.

هغه زیاته کړې وه:« ما تحریک انصاف ګوند ته تر دې وړاندې هم د مذاکراتو بلنه ورکړې وه او اوس یو ځل بیا د مذاکراتو بلنه ورکوم؛ خو دغه مذاکرات یوازې د مشروع غوښتنو پربنسټ کېدای شي.»

د هغه په وینا؛ د پاکستان د پرمختګ او سوکالۍ لپاره باید د سیاسي ګوندونو ترمنځ همغږي رامنځته شي او د پاکستان حکومت د دې لپاره هر ډول ګام پورته کولو ته چمتو دی. خو د تحریک انصاف ګوند له حکومت سره له خبرو اترو انکار وکړ.

د پاکستان حکومت او تحریک انصاف ګوند ترمنځ اړیکې هغه مهال ترینګلې شوې، چې د دغه ګوند مشر او پخوانی لومړی وزیر عمران خان د پولیسو له‌خوا ونیول شو. یاد ګوند تر دې وړاندې له پاکستان حکومت سره څو ځلې خبرې اترې پیل کړې؛ خو دغه خبرې بې‌پایلې پای ته ورسېدې.

مسعود پزشکیان د دوشنبې په ورځ (د مرغومي ۷مه) په خپله اېکس‌پاڼه لیکلي: «کورنیو چارو وزیر ت مې ماموریت ورکړی چې د خبرو له لارې د معترضینو له استازو سره د هغوی برحقه مطالبات واوري، څو دولت په خپل ټول توان سره د ستونزو د حل او مسوولان چلند لپاره ګام واخلي».

پزشکیان زیاته کړې: «د خلکو د معیشت په اړ هره ورځ فکر کوم».

هغه همداراز څرګنده کړې: «د پولي او بانکي نظام د اصلاح او د خلکو د پېرلو قدرت د ساتنې لپاره اساسي اقدامات په خپلو کاري لومړیتوبونو کې لرو».
دغه اعتراض او کاري اعتصاب د یکشنبې په ورځ (د مرغومي ۶مه) په تهران کې د ډالر پر وړاندې د تومان د ارزښت له رالوېدو سره سم پیل شو او د دوشنبې په ورځ (د مرغومي ۸مه) پراخ او نورو ښارونو ته هم وغځېد.