د خوړو نړیوال پروګرام: په ۲۰۲۶کال کې به ۳۱۸میلیونه خلک د لوږې سره مخ شي
د ملګرو ملتونو د خوړو نړیوال پروګرام (WFP)، خبرداری ورکړی چې اټکل کېږي په ۲۰۲۶ کال کې په ټوله نړۍ کې شاوخوا ۳۱۸ میلیونه کسان له شدیدې لوږې سره مخ شي.
د ملګرو ملتونو د خوړو نړیوال پروګرام (WFP)، خبرداری ورکړی چې اټکل کېږي په ۲۰۲۶ کال کې په ټوله نړۍ کې شاوخوا ۳۱۸ میلیونه کسان له شدیدې لوږې سره مخ شي.
د خوړو نړیوال پروګرام نن یکشنبه د مرغومې ۱۴مه، د یو راپور په خپرولو سره ویلي، چې نړۍ چټکو او هوښیارو حللارو ته اړتیا لري. د دغې ادارې په خبره دوي هڅه کوي اغېزمنې لارې پراخې کړي، څو هم د اوس لپاره او هم په راتلونکي کې بشري اړتیاوې راکمې کړي، او د مرستو هره ونډه لا اغېزمنه وکارول شي.
د ملګرو ملتونو دغه اداره وایي، د نوې ټکنالوژۍ کارول، د نغدي او الکترونیکي مرستو برابرول، د معلوماتو پر بنسټ چټک غبرګون، او د دوامدارو محلي حللارو پلي کول، هغه لارې چارې دي چې، د یو نوښت په توګه یې د خوړو بحران حلولو لپاره کارولای شو، څو د خلکو اړتیاوې په چټک او اغېزمن ډول پوره شي او په اوږدمهاله کې د بشري مرستو اړتیا کمه شي.
