طالبان وایي د ابو نصر فراهي بندر له لارې یې ۲۶ټنه بېکیفیته ودانیز توکي بېرته ګرځولي دي
د طالبانو د معیار او کیفیت ادارې خبر ورکړی، چې د فراه ولایت د شیخ ابو نصر فراهي بندر له لارې یې ۲۶ټنه بېکیفیته ودانیز توکي بېرته صادرونکي هېواد ته ګرځولي دي.
د طالبانو د معیار او کیفیت ادارې خبر ورکړی، چې د فراه ولایت د شیخ ابو نصر فراهي بندر له لارې یې ۲۶ټنه بېکیفیته ودانیز توکي بېرته صادرونکي هېواد ته ګرځولي دي.
د یادې ادارې لهخوا په خپره شوې خبرپاڼه کې راغلي، د ګاډر (نوداني) دغه جوپه چې ټولیز وزن یې ۲۶ټنه و او د افغانستان له ملي معیارونو سره یې سمون نهلاره؛ بېرته ګرځولي دي.
خبرپاڼه زیاتوي، چې یاد توکي تر کره ارزونې او د کیفیت له کنټرول وروسته د ابو نصر فراهي بندر له لارې بېرته صادرونکي هېواد ته واستول شول. که څه هم په خبرپاڼه کې د صادرونکي هېواد نوم نهدی یاد شوی؛ خو افغانستان ته د ابو نصر فراهي بندر له لارې توکي ډېری وخت له ایران نه واردېږي.
