ټرمپ: که ایران خپل اټومي فعالیتونه بیا پیل کړي، امریکا به یې بیا په نښه کړي
د امریکا ولسمشر ډونالد ټرمپ وایي، د ایران اسلامي جمهوریت باید له دې مخکې چې د امریکا له لوري یې پر اټومي تاسیساتو برید وشي، یوې موافقې ته رسېدلی وای، ځکه د هغه په وینا، دا برید ډېر سخت او ویجاړونکی و.
د امریکا د بهرنیو چارو وزارت فارسي څانګې په ایکس د یوې خپرې شوې وینا له مخې، ولسمشر ډونالد ټرمپ ویلي چې که ایران یو ځل بیا د اټومي فعالیتونو هڅه وکړي، نو امریکا به یې بیا هم په نښه کړي.
ټرمپ ویلي: «د اسلامي جمهوریت رژیم باید مخکې له دې چې موږ یې پر اټومي تاسیساتو برید وکړو، موافقې ته رسېدلی وای، ځکه دا برید رښتیا هم ویجاړونکی و.»
د نوموړي په وینا: «که دوی بیا هڅه وکړي، اړ به شي بلې سیمې ته لاړ شي. موږ به هغه ځای هم په هماغه اسانۍ، آن لا په اسانه، په نښه کړو.»
دا څرګندونې په داسې حال کې کېږي چې د ایران اټومي پروګرام او د لوېدیځو هېوادونو اندېښنې یو ځل بیا د نړیوال سیاست د تود بحث موضوع ګرځېدلې دي.
