ملا ترابي د بېړنیو مرستو تر څنګ د بنسټیزو وقایوي پروژو پر تطبیق ټینګار کوي

د طالبانو په ولکه کې د افغانستان بانک د یوې خبرپاڼې په خپرولو سره ویلي، چې دغه بانکنوټونه نن دوشنبه، د سلواغې په ۱۳مه، د کابل د ده‌سبز ولسوالۍ په اړوند سیمه کې له منځه یووړل شول.

د خبرپاڼې له مخې، سوځول شوي بانکنوټونه د ۱۰، ۲۰، ۵۰، ۱۰۰ او ۵۰۰افغانیو له بېلابېلو ډولونو څخه وو، چې د ډېرې کارونې له امله زاړه او د استفادې وړ نه وو .

د بانک دویم مرستیال ملا محمد اخوند ویلي چې د مندرس بانکنوټونو پر ځای به نوي بانکنوټونه بازار ته وړاندې شي، څو خلک وکولای شي پرته له ځنډه خپلې ورځنۍ معاملې او راکړه ورکړه وکړي.

نوموړي له خلکو غوښتي چې افغاني بانکنوټونه سم وساتي، څو تر ټاکلي وخت مخکې زاړه نه شي.

د افغانستان کرکټ بورډ مسوولینو ویلي، ملي لوبډلې په دې تمریناتي سیالۍ کې ښه او هر اړخیزه لوبه وکړه او ویې کولای شول چې سیاله لوبډله په قانع کوونکي ډول له ماتې سره مخ کړي.

د کرکټ بورډ د معلوماتو له مخې، د توپ وهنې په برخه کې درویش رسولي د ۸۴منډو په جوړولو سره غوره وځلېد او ابراهیم ځدراڼ ۳۶منډې وکړې.

د توپ اچونې په برخه کې عظمت‌الله عمرزي درې ویکټې واخیستې، محمدنبي او ضیاالرحمن شریفي هر یوه دوه ـ دوه ویکټې ترلاسه کړې، او راشد خان، ګلبدین نایب او مجیب‌الرحمن هر یوه یوه ویکټه واخیسته.

د مسوولینو په وینا، د افغانستان کرکټ ملي لوبډله به راتلونکې چهارشنبه خپله دویمه تمریناتي لوبه د ویسټ‌انډیز پر وړاندې وکړي.

دا په داسې حال کې ده چې د افغانستان کرکټ ملي لوبډله به د ۲۰۲۶ کال په نړیوال جام کې خپله لومړنۍ رسمي لوبه د فبرورۍ په اتمه نېټه د نیوزیلنډ پر وړاندې کوي.

د ملاله په نوم بنسټ چې د نړې په ډیرو هېوادونو کې د ښځو د حقونو او د نجونو د زده کړو په برخه کې کار کوي، ویلي چې د طالبانو نوې جزایي اصولنامه چې د امربالمعروف له قانون سره یو ځای کار کوي، داسې قانوني چوکاټ رامنځته کوي چې ښځې او نجونې له عامه ژوند څخه بېلوي، کنټرولوي او مجازات کوي یې.

ملاله یوسفزۍ، چې د یاد سازمان بنسټګره ده، وایي: « هغه هېواد هېڅکله پرمختګ نشي کولی چې ښځې او نجونې له عامه ژوند څخه وباسي او د هغوی اساسي ازادي او حقونه تر پښتو لاندې کړي.»

هغې زیاته کړې: «زه د هرې افغانې نجلۍ ملاتړ کوم چې غواړي خپل غږ پورته کړي، په پټه زده کړه وکړي او خپل نظر څرګند کړي. موږ باید د جنسیتي اپارتاید پر ضد ګډ حرکت وکړو. مشران باید بېړنی اقدام وکړي، د افغانستان له خلکو سره ودرېږي او طالبان د خپلو جناياتو لپاره مسوول وګرځوي.»

بل خوا ملاله بنسټ په خپله اعلامیه کې زیاته کړې چې د طالبانو جزایي اصولنامه فزیکي سزا ته اجازه ورکوي، د عدلي پروسې ځواک کمزوری کوي، چارواکو او اشخاصو ته ددې واک ورکوي چې قوانین په خپله خوښه پلي کړي.

یاد بنسټ وایي چې د طالبانو د نوې جزایي اصولنامې له مخې د ښځو خوځښتونه، اظهار او خپلواکي جرم ګڼل کېږي، په داسې حال کې چې د ښځو پر وړاندې تاوتریخوالي لپاره حساب ورکونه کمزوری شوې او دا اصولنامه په عملي ډول دې ناوړه چلند ته مشروعیت ورکوي.

د یادې جبهې له‌خوا په خپره شوې خبرپاڼه کې ویل شوي، چې دا برید تېر ماښام د کندز ښار په عمومي سړک، سرې میاشتې ته څېرمه د «امام صاحب بندر» په سیمه کې شوی دی.

مقاومت جبهه وایي چې یاد عملیات «بریالي» وو او ټینګار کوي چې په دې نښته کې د دوی ځواکونو او همدارنګه ولسي وګړو ته کوم زیان نه دی اوښتی.

په خبرپاڼه کې همدارنګه راغلي چې د مقاومت جبهې ځواکونه په بېلابېلو ولایتونو کې « د ترهګرو ضد هدفمندو عملیاتو» ته دوام ورکوي، څو د دوی په وینا، افغانستان او خلک د طالبانو له «نامشروع واکمنۍ» وژغوري.

تر دې دمه طالبانو د مقاومت جبهې د دې ادعا په اړه رسمي غبرګون نه دی ښودلی.

د یادونې وړ ده چې د طالبانو له بیا واکمنېدو وروسته، د مقاومت جبهې له لوري وخت ناوخت د هېواد په بېلابېلو سیمو کې د بریدونو او نښتو راپورونه خپرېږي، خو طالبان اکثره دا ډول ادعاوې ردوي یا پرې تبصره نه کوي.

۸۰ کلن پیټر رینالډز او د هغه میرمن باربي د تیر کال په فبرورۍ کې د طالبانو له خوا بامیان ته د راستنېدو پرمهال ونیول شول او شاوخوا اووه میاشتې وروسته خوشې شول.

دوی ډیلي میل ته وویل، چې دوی د کابل په څرخي پله زندان کې په "نمجن، او له موږکانو او ګونګټو ډک" زندان کې د دریو میاشتو لپاره ساتل شوي وو.

رینالډز د طالبانو له خوا اداره کیدونکي څرخي پله زندان شرایط "یو بل دوزخ" وباله.

په ۱۹۷۰ لسیزه کې د ۵۰۰۰ بندیانو د ساتلو لپاره ډیزاین شوي زندان کې اوس تر ۱۵۰۰۰ پورې بندیان ساتل کیږي.

100%

باربي، له ۱۵ نورو ښځو او دوو ماشومانو سره یوځای په یوه کوچنۍ کوټه کې چې پنځه بسترونه یې درلودل، ساتل شوې وه.

باربي وویل: "څلور تشنابونه وو، خو هیڅ یو یې روغ نه و. موږ باید نلونه کارولي وای او اوبه د دهلیز په مینځ کې له کثافاتو ډکې ویالې ته بهېدلې."

هغې زیاته کړه، چې په هغه برخه کې چې شاوخوا ۲۳۰ ښځې او ۴۰ ماشومان ساتل کېدل، یوازې اووه تشنابونه وو او ځینې وخت ماشومانو په سمه توګه نه کارول او وضعیت یې نور هم خراب کړی و.

"هغه نجلۍ چې زما په بستر کې ویده وه ۱۹ کلنه وه او د موټر چلولو په تور زنداني شوې وه.مساله هغه مهال لا کړکېچنه شوه، چې روښانه شوه موټر یې د ملګري و او د هلک ملګري درلودل هم منع وو. له همدې امله هغه د شپږو میاشتو لپاره بندي شوې وه."

هغې زیاته کړه: "یوې ښځې چې له یوه سړي سره خبرې کړې وې، خاوند یې هغه سړی وژلی و، خو دا، چې سړی تل مجرم نه ګڼل کېږي، ښځه په پنځه کاله بند محکومه شوه او اجازه یې نه درلوده، چې خپل څلور ماشومان وویني."

یوې بلې ښځې وویل، چې هغه یوازې د همدې دلیل لپاره بندي شوې وه چې مېړه او زامنو یې خپلې دندې له لاسه ورکړې او دې دنده پیل کړې وه.

باربي وویل: "تقریبا ۹۰ سلنه هغه میرمنې چې زه ورسره وم مجرمې نه وې.ډیری یې نه پوهیدلې چې د دوی سزا څومره اوږده ده. ځینې یې د میاشتو حتا کلونو لپاره انتظار باسي."

وروسته دا جوړه د پنځو اونیو لپاره د طالبانو د استخباراتو له خوا اداره کیدونکې تلخونې ته ولیږدول شوه او بیا خوشې شوه.