امریکا د ایران یوه ډرون الوتکه د اېف ۳۵ الوتکې په مټ نسکوره کړې ده
د امریکا پوځ د ایران یوه بېپیلوټه الوتکه چې د عربي سمندرګي پر لور ابراهام لینکن الوتکهلېږدوونکې بېړۍ ته نږدې کېده، نسکوره کړې ده. دغه بې پیلوټه الوتکه د امریکا اېف ۳۵ الوتکې ویشتلې ده.
یو امریکایي چارواکي د سې شنبې په ورځ رویټرز ته ویلي، چې یاد ایرانی شاهد-۱۳۹ ډرون د امریکا د سمندري ځواکونو د الوتکهلېږدوونکې بېړۍ پر لور الوت کاوه، چې وروسته د امریکا د اېف ۳۵جنګي الوتکې له خوا ویشتل شوی او نسکور شوی دی.
تر اوسه د دې پېښې په اړه د ایران له لوري رسمي غبرګون نه دی خپور شوی او نه هم د سیمې د امنیتي وضعیت په اړه نور جزئیات ورکړل شوي دي.
