انتونیو ګوترېش: له اوربند سربېره په تېرو څلورو میاشتو کې ۵۰۰ فلسطینیان وژل شوي دي
د ملګرو ملتونو سرمنشي انتونیو ګوترېش د سېشنبې په ورځ (د سلواغې ۱۴مه) اندېښنه څرګنده کړه، چې د ۲۰۲۵ کال د اکتوبر له اوربند سره سره اسراییل بیا هم له هغې نېټې راهیسې ۵۰۰ فلسطینیان وژلي دي. نوموړي له ټولو لوریو وغوښتل، چې په بشپړه توګه د اوربند درناوی وکړي.
نوموړي همداراز پر اېکسپاڼه لیکلي، چې اسراییل باید د نړۍوالو قوانینو درناوی وکړي او د بشري مرستو تېرېدو ته هم اجازه ورکړي. ګوترېش خپله لیکنه کې زیاتوي: «زه له ټولو لوریو غواړم چې دا تړون په بشپړه توګه عملي کړي او درناوی یې وکړي».
د یادونې وړ ده، چې د امریکا او ځینو نورو هېوادونو په منځګړیتوب د حماس او اسراییل ترمنځ د تېر زېږدیز کال په اکتوبر میاشت کې اوربند وشو، خو ادعا شوې چې تلابیب له دغه تړون څخه سرغړونه کوي او غزه کې یې بریدونو ته لا هم دوام ورکړی دی.
د امریکا ولسمشر ډونالډ ټرمپ د غزې د سولې بورډ په نوم د فلسطین د خپلواک دولت اعلانېدو او هلته د بشري مرستو لپاره یو بورډ هم جوړ کړی دی.
