نتنیاهو: اسراییل د ایران په اړه د هر احتمالي بدلون لپاره چمتو دی
د اسراییل لومړي وزیر بنیامین نتنیاهو د دغه هېواد په پارلمان کې ویلي، اسراییل بېداره دی او د ایران په اړه د هر احتمالي بدلون لپاره بشپړ چمتووالی لري. هغه خبرداری ورکړی، هر هغه څوک چې پر اسراییل برید وکړي؛ د نه زغملو وړ پایلو سره به مخ شي.
بنیامین نتنیاهو ټينګار کړی، چې اسراییل د سیمې بدلونونه له نږدې څاري او هره سناریو یې په دقت ارزولې ده. نوموړي زیاته کړه: «هر څوک چې زموږ پر خاوره برید وکړي، باید د نه زغملو وړ پایلو لپاره چمتو اوسي».
