عباس عراقچي د کویټ، ترکیې، قطر او عمان د بهرنیو چارو وزیرانو سره ټلیفوني خبرې وکړې
د ایران د بهرنیو چارو وزیر عباس عراقچي د کویټ، ترکیې، قطر او عمان له بهرنیو چارو وزیرانو سره له ټلیفوني خبرو اترو سره هممهاله، اکسیوس راپور ورکړی چې تهران له استانبول څخه عمان ته د مذاکراتو د ځای د لېږد او یوازې له امریکا سره د دوه اړخیزو خبرو اترو غوښتنه کړې ده.
د ایران د بهرنیو چارو وزارت په خپل اېکس کې د بېلابېلو خبرپاڼو په خپرولو سره ویلي، چې عراقچي په دې ټلیفوني اړیکو کې د مشورو پر دوام، د دوه اړخیزو اړیکو پر پیاوړتیا او د سیمې د امنیت او ثبات د ساتنې په برخه کې پر ګډې همکارۍ ټینګار کړی.
