د ایټالیا د بهرنیو چارو وزیر: د ایران په مسله کې د ترکیې له منځګړیتوب او هڅو ملاتړ کوو
د ایټالیا د بهرنیو چارو وزیر انتونیو تاجاني پر اېکسپاڼه لیکلي، چې هغه له خپل ترکي سیال سره خبرې کړې دي. نوموړي ویلي، د ایټالیا حکومت په ټینګه د ترکیې له هغه منځګړي رول څخه ملاتړ کوي، چې دا هېواد یې د امریکا متحدو ایالتونو او ایران ترمنځ ترسره کوي.
د ایټالیا د بهرنیو چارو وزیر زیاته کړې، ټول لوري باید هڅه وکړي چې په منځني ختیځ کې د نوې ترینګلتیا له رامنځته کېدو مخه ونیول شي او داسې شرایط برابر شي چې اغېزمنې خبرې اترې ترسره شي؛ هغه خبرې چې کولی شي په سیمه کې سولې او ثبات ته لاره هواره کړي.
انتونیو تاجاني ټینګار کړی، چې ایران باید د قاهرې د تړون د روحیې لهمخې له اټومي انرژۍ د نړۍوالې ادارې (IAEA) سره همکاري وکړي او د دې ادارې پلټونکي باید بېرته د ایران اټومي تاسیساتو ته د لاسرسي اجازه ولري.
