د افغانستان د فوټسال ملي لوبډله نن سې شنبه (د سلواغې ۱۴مه) د ۲۰۲۶کال اسیا جام فوټسال سیالۍ په نیمه پایلوبه کې د جاپان د ملي لوبډلې پر وړاندې د لوبو ډګر ته ښکته کېږي. دغه لوبه د کابل په وخت د ماسپښین په ۲:۳۰ بجو د اندونیزیا د جاکارتا ښار په ویلوډروم لوبغالي کې پیلېږي.
د جاپان د فوټسال ملي لوبډله په نړۍواله ډلبندۍ کې ۱۳م او په اسیایي ډلبندۍ کې درېیم مقام لري. بل اړخ ته بیا افغانستان په نړۍ کې ۲۸م او په اسیا کې اووم مقام لري.
د جاپان تر ټولو لویه بریا په ۲۰۰۵کال کې د ګوام پر وړاندې د ۱۸-۰ امتیازونو په توپیر وه او د دوی تر ټولو لویه ماتې په ۲۰۰۲کال کې د هسپانیا پر وړاندې د ۱۶-۰ امتیازونو په توپیر وه. د افغانستان تر ټولو لویه بریا بیا په ۲۰۲۳کال کې د مکاو په وړاندې د ۱۸-۲ امتیازونو په توپیر او تر ټولو بده ماتې یې په ۲۰۰۷کال کې د ټایلینډ په وړاندې د ۲۳-۲ امتیازونو په توپیر وه.
جاپان پنځه ځله د فوټسال په نړۍوال جام کې ګډون کړی، په داسې حال کې چې افغانستان یوازې یو ځل په ۲۰۲۴کال کې په نړۍوال جام کې د ګډون تجربه لري. جاپان ۱۶ ځله په اسیا جام کې برخه اخیستې او افغانستان بیا تر دې دمه دوه ځلې په اسیا جام سیالیو کې ګډون کړی دی.
جاپان د ډلهییزو سیالیو په پړاو کې له ازبکستان، تاجکستان او اسټرالیا سره په درېیم ګروپ کې همډلی و او د درېیو بریاوو او نهو نمرو سره د غوره لوبډلې په توګه یې نیمه پایلوبې ته لار وموندله.
افغانستان بیا د ډلهییزو سیالیو په پړاو کې له ایران، سعودي عربستان او مالیزیا سره په څلورم ګروپ کې همډلی و او د دوو بریاوو او یوې ماتې سره یې ۶ نمرې ترلاسه کړې او د ګروپ د دویمې غوره لوبډلې په توګه یې نیمه پایلوبې ته لار وموندله.
دا په مسلکي لوبو کې د قیس خادمي ۱۴مه او څلورمه پرله پسې بریا ده. هغه تر اوسه پورې په خپل ورزشي تجربه کې د ۱۴ بریاوو، درېیو ماتو او دوو مساوي لوبو ریکارډ لري.
قیس خادمي چې څو ځله یې د اروپا اتلولي ګټلې، یو ځل یې د سوک وهنې نړۍوالې اتلولۍ کمربند لپاره هم سیالي کړې ده. د هغه مکسیکویي سیال چې د پنځو بریاوو، اوو ماتو او درېیو مساوي لوبو ریکارډ لاره، له بېګانۍ لوبې سره یې خپله اتمه ماتې هم تجربه کړه.
