په ونزویلا کې زرګونه لاریون کوونکو له امریکا غوښتي چې مادورو او د هغه مېرمن خوشې کړي
زرګونه لاریون کوونکو په کاراکاس کې د لاریون پرمهال له امریکا غوښتي، چې د ونزویلا نیول شوی ولسمشر نیکولاس مادورو او د هغه مېرمن سیلیا فلورېس خوشې کړي. دغه لاریون د مادورو او د هغه د مېرمنې له نیول کېدو شاوخوا یوه میاشت وروسته شوی دی.
لاریون کوونکو په خپلو شعارونو کې ویل: «ونزویلا نیکولاس ته اړتیا لري!» لاریون کوونکو د سېشنبې په ورځ د نیکولاس مادورو په ملاتړ شعارونه له ځان سره لېږدول او پر یوه یې لیکلي وو: «امپراتورۍ هغوی وتښتول؛ موږ یې بېرته غواړو».
د نیول شوي ولسمشر زوی او د ونزویلا د ملي شورا غړی نیکولاس مادورو ګوېرا د خلکو یوې غونډې ته د وینا پر مهال وویل، چې (د جنورۍ په ۳مه) د امریکا لهخوا د خپل پلار «تښتول» به یې د تل لپاره پر څېره د یوه ټپ په څېر پاتې شي.
نوموړي د هغې شپې یادونه وکړه، چې امریکا پر کاراکاس برید وکړ او ویې ویل: «زموږ د وطن خاوره د یوه بهرني پوځ لهخوا تر پښو لاندې شوه».
