په ایران کې د امریکا دوه پخواني برمته شوي: واشنګټن دې د ایراني کډوالو اېستل ودروي
په ایران کې د امریکا سفارت دوه پخواني برمته شوي بری روزن او جان لېمبرټ ایران انټرنشنل انګلیسي وېبپاڼې ته په یوه مقاله کې په ایران کې د لاریون کوونکو پراخې وژنې ته په اشارې د ایراني کډوالو د شړلو پر پرېکړې نیوکه کړې.
دوی ايران يو داسې هېواد بللی، چې د تاوتريخوالي ډک ځپونکي نظام په منګولو کې ښکېل دی او زياته کړې يې ده:« هغه حکومت چې ايراني لاریون کوونکي هڅوي او امريکايانو ته د ايران د جبري چلند په اړه خبرداری ورکوي، نهشي کولی په يو وخت کې زيانمنونکي کسان د جبر لاسونو ته وسپاري».
په ایران کې د امریکا د سفارت دوه پخواني برمته شوي کسانو د ډونالډ ټرمپ له حکومت څخه غوښتي، چې د ايراني کډوالو شړل او ايران ته د هغوی لېږل ودروي. هغوی همدارنګه د امريکا له کانګرس څخه غوښتنه کړې، چې په دې اړه له حکومت څخه وضاحت وغواړي.
