اکسیوس: د سیمې د ۹ هېوادونو په فشار د ایران او امریکا د مذاکراتو پرېکړه وشوه
اکسیوس د لوړپوړو امریکایي چارواکو په حواله راپور ورکړی، چې د عربي او مسلمانو مشرانو له پرلهپسې فشارونو وروسته په عمان کې د ایران او امریکا ناسته بیا تنظیم شوه.
اکسیوس د لوړپوړو امریکایي چارواکو په حواله راپور ورکړی، چې د عربي او مسلمانو مشرانو له پرلهپسې فشارونو وروسته په عمان کې د ایران او امریکا ناسته بیا تنظیم شوه.
د راپور لهمخې، د سیمې لږ تر لږه ۹ هېوادونو د دغې ناستې د نه لغوه کېدو غوښتنه وکړه او واشنګټن سره له دې چې شکمن و، "خپلو متحدینو ته یې د درناوي او د ډیپلوماټیکې لارې د دوام لپاره" ورسره موافقه وکړه.
تر دې وړاندې اکسیوس راپور ورکړ، چې د امریکا او ایران ترمنځ کېدونکي مذاکرات لغوه شوي.
ایران له امریکا څخه د مذاکراتو د ځای او د خبرو د بڼې د بدلون غوښتنه کړې وه، خو امریکا یې غوښتنه رد کړې وه.
