د قطر او ایران د بهرنیو چارو وزیرانو په سیمه کې د کړکېچ د کمولو په تړاو ټلیفوني خبرې کړي
د قطر د بهرنیو چارو وزارت د یوې خبرپاڼې په خپرولو سره ویلي، چې د قطر او ایران د بهرنیو چارو وزیرانو په سیمه کې د کړکېچ د کمولو لپاره د روانو هڅو په تړاو ټلیفوني خبرې کړې دي.
په خبرپاڼې کې راغلي، چې د قطر د بهرنیو چارو وزیر محمد بن عبدالرحمان بن الثاني د ایران د بهرنیو چارو وزیر سید عباس عراقچي سره د خبرو پر مهال په سیمه کې د کړکېچ د کمولو لپاره د روانو هڅو څخه خپل ملاتړ څرګند کړی او د تاوتریخوالي کمولو او د سولهییزو حللارو موندلو او په سیمه کې د امنیت او ثبات پر پیاوړتیا ټینګار کړی دی.
په خبرپاڼه کې راغلي، چې د قطر د بهرنیو چارو وزیر د ګډو هڅو پر همغږۍ ټینګار کړی او ویلي یې دي، چې سیمه باید د کړکېچ له بدو پایلو وژغورل شي.
