طالبانو د دوو نړۍوالو بنسټونو سره د درې اړخیزې همکارۍ هوکړه‌‌لیک لاسلیک کړ

یادې ادارې ویلي، چې د ماین پاکۍ د انسجام او همغږۍ ریاست او همکارو بنسټونو په همکارۍ یې په تېرو ۱۲ میاشتو کې ۵۸ کیلومتره په ماینونو ککړې سیمې پاکې کړې دي. د یادې ادارې ویاند حافظ محمد یوسف حماد ویلي: «موږ په تېر یو کال کې ۲۴زره او ۷۲۰ بېلابېل ډوله ماینونه کشف او خنثا کړي دي، چې دا د خلکو د ژوند ژغورلو په برخه کې مهم ګام دی».

حماد ټینګار کړی، چې د دغه پېښو له قربانیانو شاوخوا ۶۷،۵ سلنه یې ماشومان دي. د طالبانو د پېښو پر وړاندې د مبارزې ملي ادارې همداراز ویلي، چې دا مهال په ټول هېواد کې ۱۵۵ د ماین پاکۍ ټیمونه فعالیت کوي او تر دې دمه یې څه باندې دوه مېلیونه وګړو ته د ماینونو د ګواښونو په اړه عامه پوهاوی ورکړی دی.

نوموړي زیاته کړه، لاهم په افغانستان کې شاوخوا یو لک او شپږ کیلومتره مربع ځمکه په ماینونو او ناچاودو توکو ککړه ده او هڅې روانې دي چې دغه ګواښ په بشپړه توګه له‌منځه یووړل شي.

افغانستان د نړۍ له هغو هېوادونو شمېرل کېږي، چې د جګړو له اوږدې مودې وروسته هم په پراخو سیمو کې د ماینونو او ناچاوده توکو له ګواښ سره مخ دی.

د HALO Trust چې اصلي کار یې په جګړه ځپلو هېوادونو کې د ځمکنیو ماینونو او ناچاوده توکو پاکول دي وایي، په افغانستان کې د خوړو د تولید، ښوونې، ځمکو د کرکېلې او د خلکو د ورځني ژوند د بیا پیل لپاره لا هم زرګونه ساحې په ماینونو ککړې دي؛ په‌داسې حال کې چې له ۱۹۸۸ کال راهیسې په مېلیونونه ماینونه او ناچاوده توکي شنډ شوي دي.

د طوفان وزیري نږدې خپلوان وايي، چې پېښه نن سهار شاوخوا لس بجې د کندهار ښار د ۱۵مې ناحیې اړوند د یخ کارېز په سیمه کې رامنځته شوې. د هغه نږدې کسانو د نوموړي روغتیايي وضعیت ناسم ښودلی او وایي دا مهال د کندهار د عینو مېنې په روغتون کې تر درملنې لاندې دی.

برید کوونکي له سیمې تښتېدلي او د برید انګېزه لا هم روښانه نه‌ده؛ خو خپله طوفان وزيري په یوه ویډيو کې په ټپي حالت کې وایي، چې بريد کوونکي د پاکستان استخباراتي ادارې سره لاس لري: «د امارت مشره دغه کسان د شمالي وزیرستان د کمپ سره اړیکې لري، دا د ای‌اېس‌ای خاص سړي دي، په شپږو کسانو یې ووهلم».

تر دې دمه سیمه‌‌ییزو طالب چارواکو د پېښې په اړه څه نه‌دي‌ ویلي. طوفان وزیري د مخکېني جمهوري نظام پر مهال د اجراییه رییس ډاکټر عبدالله عبدالله سلاکار پاتې شوی و. هغه د طالبانو له بیا واکمنېدو وروسته له هېواده وتلی و؛ خو په دې وروستیو کې د طالبانو د اړیکو کمېسیون له لارې بېرته افغانستان ته ستون شوی و.

د طالبانو یادې ادارې د چهارشنبې په ورځ (د سلواغې ۱۵مه) ویلي، چې د هېواد د سیندیزو حوزو په ځينو برخو کې د اوبو د کچې لوړوالي او د سېلابونو راوتلو اټکل شوی.

د دوی په خبره؛ د ورښتونو له امله د سېلابونو او د اوبو د کچې لوړوالي وړاندوینه هرات، غور، بادغیس، فراه، نیمروز، هلمند، کندهار، روزګان، جوزجان، سرپل، فاریاب، بلخ، سمنګان، بغلان، غزنی، لوګر، میدان وردګ، کابل، پنجشېر، کاپیسا، پروان، پکتیکا، پکتیا، خوست، لغمان، کونړ او نورستان ولایتونو لپاره شوې ده.

طالبانو د یادو سیمو اوسېدونکو ته سپارښتنه کړې، چې د ځانونو او ماشومانو د خوندیتوب لپاره د سېندونو پر غاړه له تګ‌راتګ ډډه وکړي.

ریانووستی ورځپاڼې د سې‌شنبې په ورځ (د سلواغې ۱۴مه) د روسیې د ټرانسپورټ وزارت چارواکو له حوالې راپور ورکړی، چې نه د افغانستان هوایي شرکتونو روسیې ته او نه د روسیې هوایي شرکتونو افغانستان ته د الوتنو لېوالتیا ښودلې.

اوس‌مهال د دواړو هېوادونو ترمنځ یوازي د اریانا افغان هوایي شرکت په اونۍ کې یو ځل الوتنه لري.

تر دې وړاندې په مسکو کې د طالبانو سفیر د روسیې ټاس دولتي خبري اژانس سره په مرکه کې ویلي و، د روسیې او طالبانو ترمنځ د سوداګرۍ او ګرځندوی اړیکې مخ په پراخېدو دي او دواړه اړخونه هڅه کوي چې په دې برخو کې خپله همکاري لاپراخه کړي.

عبدالرحمان منیر په یاده ناسته کې د منځنۍ اسیا د سیمه‌ییزو معلوماتو او همغږۍ مرکز مسوولینو ته وویل: «طالبان د نشه‌يي توکو پر وړاندې د مبارزې معینیت د سیمې له هېوادونو سره نږدې او دوامداره همکاري لري. د سرحدي همغږۍ له لارې د قاچاق د مخنیوي او د قاچاق وړونکو د نیولو لپاره ګډ اقدامات ترسره کوو».

د خبرپاڼې له مخې؛ په دغه ناسته کې دواړه خواوو د نشه‌يي توکو د مخنیوي، د روږدو کسانو د ساتنې، درملنې او د مبارزې د ګډو اقداماتو د پراختیا په اړه تفصیلي بحث او خبرې کړې دي.

په خبرپاڼه کې د منځنۍ اسیا د سیمه‌ییزو معلوماتو او همغږۍ مرکز سلاکار عزیزبېک ارکابویف په حوالې راغلي: «موږ هڅه کوو، چې د نشه‌يي توکو پر ضد مبارزه کې د همکارۍ او همغږۍ کچه نوره هم لوړه کړو».

د خبرپاڼې له مخې؛ د یادې ناستې په پای کې دواړه خواوو په ګډه ژمنه وکړه، چې د قاچاق د مخنیوي، د روږدو کسانو د ساتنې او درملنې چارې به لا اغېزمنې کړي او د سیمې هېوادونو سره به د همکارۍ لارې لا پراخې کړي.