پاپ لیو خپل پخواني استوګنځي «پیرو» ته سفر کوي
د پیرو کاتولیک مشر کارلوس ګارسیا ویلي، چې د نړۍ د کاتولیکانو مشر پاپ لیو به د روان زېږدیز کال په نومبر یا ډسمبر میاشت کې دغه هېواد ته سفر وکړي. د راپور له مخې؛ د دغه سفر احتمال ۸۰سلنه ښودل شوی.
کارلوس ګارسیا ویلي، چې دغه سفر به ګڼ خلک راجلب کړي؛ ځکه پاپ لېو کلونه د مذهبي مبلغ په توګه په پيرو کې فعالیت کړی دی. پاپ لېو چې پخوا د رابرت پرووست په نوم پېژندل کېده، له لسیزو راهیسې په پيرو کې اوسېدلی. نوموړی لومړی د چیکلایو ښار مذهبي مشر په توګه ټاکل شوی و او په ۲۰۱۵کال کې یې د پيرو تابعیت ترلاسه کړی دی.
