• العربية
  • فارسی
  • English
BrandBrand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

اصف دُرانی: د بلوچستان مسله په زور نه، بلکې په تدبیر حل کېږي

۱۶ سلواغه ۱۴۰۴ - ۵ فبروری ۲۰۲۶، ۱۸:۱۹ GMT+۰

د افغانستان لپاره د پاکستان پخواني ځانګړي استازي اصف دُراني په بلوچستان کې د بلوڅ ازادۍ پوځ وروستیو بریدونو ته په اشارې ویلي، چې د بلوچستان مسله په زور نه، بلکې په تدبیر حل کېږي.

اصف دُراني پر خپلې اېکس‌پاڼې لیکلي، چې په بلوچستان کې تاوتریخوالی یوه جدي اندېښنه ده او باید پرته له کوم ابهام او ځنډ څخه وغندل شي.

نوموړي ویلي، حکومت حق او مسوولیت لري چې د خپلو وګړو او نظم ساتنه وکړي، خو تېر ته په کتو که څه هم پوځي عملیات تاوتریخوالی کمولی شي، خو شخړه په بشپړه نه پرې حل کېږي.

دُراني زیاته کړې: «هغه ثبات چې یوازې د زور له لارې ترلاسه کېږي، خورا نازک او ډېری وخت موقتي وي».

نوموړي دا څرګندونې تر هغه وروسته وکړې، چې په بلوچستان کې د بلوڅ ازادۍ پوځ له بریدونو وروسته په یاد ایالت کې پوځي عملیات پیل شول او چارواکو ویلي و، چې لسګونه بلوڅ وسله‌وال یې وژلي دي.

اصف دُراني ویلي، چې په بلوچستان کې د وسله‌والې مبارزې، کمزورې حکومتولۍ، اقتصادي محرومیت او د واقعي استازولۍ د نشتوالي ستونزې یوازې په پوځي لارو نه حل کېږي.

نوموړي خبرداری ورکړی، چې د یادو ستونزو د نه حل په صورت کې به د تاوتریخوالي لړۍ په نویو بڼه راڅرګنده شي.

اصف دُراني زیاته کړې: «ټاکل شویو صوبايي بنسټونو ته د رښتینې واکمنۍ د زمینې برابرول، پر پراختیايي لومړیتوبونو شفاف کنټرول او په پرله‌پسې ډول د قانون حاکمیت ته غاړه اېښودل د بلوچستان د ستونزې حل دی».

نوموړي ویلي، چې په بلوچستان کې ثبات هغه وخت ممکن دی چې د تاوتریخوالي پروړاندې د سختوالي ترڅنګ په سیاست، حکومتولۍ او عدالت کې له انصاف څخه کار واخیستل شي.

ډېر لیدل شوي

طالبانو د الله داد فدایي له نیولو څو ورځې وروسته د هغه د جبري اعتراف ویډیو خپره کړه
۱

طالبانو د الله داد فدایي له نیولو څو ورځې وروسته د هغه د جبري اعتراف ویډیو خپره کړه

۲

افغانه خبریاله:د طالبانو بیا واکمنۍ د افغان ښځو غږ کمزوری او لاسته راوړنې یې له منځه یووړې

۳

په بدخشان کې د الوتکې پرېوتو په تړاو روسی پیلوټ محاکمه کېږي

۴
ځانګړی راپور

په ۲۰۰۱ کال کې له ماتې وروسته؛ پاکستان څنګه د طالبانو د بیا راټولېدو مرکز وګرځېد؟

۵

اوفا: د پخوانیو امنیتي ځواکونو ستونزمن وضعیت هغوی د وسله‌والو ډلو د جذب له ګواښ سره مخ کړي