مارکو روبیو: ډاډه نه یم چې له ایران سره به کومې هوکړې ته ورسېږو

په دغه مطلب کې چې لومړۍ بڼه یې د چهارشنبې په ورځ د سلواغې پر ۱۵مه په انګلیسي ژبه خپره شوې، د مارکو روبیو له قوله راغلي: «که چېرې ایراني لوری د کتنې غوښتنه وکړي، موږ چمتو یو؛ خو ډاډه نه یم چې له دغو کسانو سره به هوکړې ته ورسېږو. سره له دې هم هڅه کوو چې وګورو ایا د هوکړې امکان شته او که نه. ولسمشر تل پر هر ډول شخړو او ننګونو سربېره، سوله‌ییزې حل‌لارې غوره ګڼي».

روبیو په خپلو څرګندونو کې ټینګار کړی، چې د امریکا حکومت د شخړو د حل لپاره ډیپلوماټیکې او سوله‌ییزې لارې لومړیتوب ګڼي، خو له ایران سره د باور وړ هوکړې د ترلاسه کېدو په اړه لا هم جدي اندېښنې شته.